رؤية وابداع
ضيفيات
خالد أبو ضيف
حبيبي
القلب مشتاقلك
عشان أحكي ويحكيلك
دا كان قبلك وبيقابلك
ويروح لعنيك وبيجيلك
تقولش الحب ده حبك
في قلبه تملي بيشيلك
عشان قلبك ما فيش زيك
تروحله العين وما تسيبك
حبيبي إنت في عروقي
مافيش مثلك ولا مثيلك
عيونك جنة الرحمن
وقلبي تملي يمشيلك
تبات في عنيا والنني
وأبات أسهر وأغنيلك
وأغنيلك في مواويلي
وع الشطين
تناديلي وأناديلك
وأشاورلك برمش العين
و أفرشلك مناديلك
حبيبي
حفظت أحلامك
وحفظت حروف مراسيلك
أروح مكة وضواحيها
وأروح للقدس أصليلك
حبيبي
في ضلمة الأحزان
نورت ليا قناديلك
وبقيت أمشي وأنا جواك
وعن حبي أنا أشكيلك
إقرأ أيضاً:
نداء
موطن العشق
حسم
إتبعنا
