رؤية وابداع
إذ فجأة
خالد أبو ضيف
إذ فجأة
اتوقفت كل الحاجات
والنبض تااااااااااه
وسط الجروح والذكريات
واختفت
كل المشاعر والآهات
والحب راح مع اللي راح
ومع اللي فات
والعمر مات
وفلحظة واحدة
اتقطعت كل الصلات
ما بين جدار الصمت
ولحد الممات
مابقتش عارف ايه حصل
حتى الحروف من كتر خوفها
اتجمدت…………. اتحجرت
وسط السطور والمحتاجات
والكلام مابقاش يفيد
في أي حاجة
ولَّا حتى في السكات
والظنون من كترها
راحت تبيع الوهم في أرض الشتات
تزرع كلام الهم ويا الغم
على حجر الشجر
وعلى الحجر
وعلى النبات
والقلب في حزن يئن وينتحب
ويقول يا ويلي من الصرخات
ضاعت سنابل عشقنا في لحظة
وتهتكت كل الهياكل والرفات
لم تعد بين الحنايا لهفة
يشتاق فيها القلب في الخلوات
جفت جداول حبنا في لحظة
حتى ارتوت من غيها النبضات
فارحم إلهي كل قلب خافق
قد ذاب في جو من الحسرات
إتبعنا
