ألف وِش جوه قلبي

سلوي صبح

مراجعة لغوية:دعاء الزغبي

جوه وشي ألف وِش

جوه قلبي ألف صوت..

وِش مش بيعرف يغِش

ووش حُزنه زي الْمَوْت..

وش تاهت فيه البراءة..

ووش بيحب ويموت..

وش كان عايز يعيش..

ووش وجعه أخطبوط..

وِش كان صادق حنين..

ووش قاسي وجبروت..

وِش طالب للسعادة

ووِش موته في السكوت..

وِش طفل صوته فرحة

ووش كان زي الطاغوت..

والغريبة في كل وِش

صوت بيصرخ م الألم

نفسه حد يسمعه

أصله عايش في تابوت..

يوم ورا يوم يفوت

وأنا من الآخِر بموت..

قلبي مرسوم على وشي

حلمه يُخرج من السكوت

هو كان طالب يعيش

جوه حِلمه اللي بيموت..

من وحي الصورة للفنانة إسراء الفيومي❤️

إقرأ أيضاً:

عاشقين

حاكم بأمره

سجين