هاني آدم
هو الطبيعى إنك تشوف زيى
و تترجم اللى ما شوفتهوش لكلام
مين اللى قال الشعر أصله كلام
مرصوص و دايب بين سطور الشوق
الشعر كان حاكم بأمره و كان
كل الكلام محبوس و مستنى
ساعة الرضا ع الوحى بتحنى
تنطق حروف اللهفه بالعصيان
مين اللى قال الشعر وصفه كلام
مرصوص و عامل نفسه أغنيه
الديه عمرها ردت المقتول
أو طبطبت على جرح خلانه
الشعر كان و مكانش فى مكانه
الشعر قبل الآيه فى الترتيل
بدليل براءة وصف سيدنا
قالوا كان بيعرف ينظم القافيه
و الوحى عمره ما زاره بالمره
أصل الحكايه مش بيضه أو فرخه
صرخه إستباحوا سكوتها ليلة الظلم
و الهم مش مصدر لفعل الغم
الهم كان ناتج لترف الذات
و سكوتها عن كل اللى جرحوها
نصبوا المشانق فى جمله نطقوها
إقرأ أيضاً:
وقف الرسول
صنيعة القدر
لحظة ندم
إتبعنا