رؤية وابداع
سنين اليأس
هاني آدم
الدرس انتهى لموا الكراريس
من غير دولارات
من غير متاريس
بلدي اللي كانت فى يوم بتشرح
للعرب معنى الكلام
و تعلم الطير
طعم حرية
ما بقتش هي
كل ألوان الهوان
بقى فيها عادي
أنا لسه زيك بكر مكتوف الأيادي
أنا لسه ما بلغتش
سنين اليأس
حلمي اتربط على خشبة
علشان يغسلوه
طرحوه فى بورصة
تجارة الأعضاء
أشلاء شبابي و شنطة المدرسة
متغمسة اللقمة
بعهد اتنسى
و المسرحية لسه
ليها باقي
أشواقي رافضة تصدق
الجمهور
و لا شعرة بيضا
فى جتتى الهلكانة
عرفت فى يوم الحنة
و الصبغة
أنا ملح أرض الخونة
رهنوها
من كتر ما ولاد بلدي
زهدوها
مكتوب على جبيني
أفضل أتمنى
و أستنى نصرة
روحي فى الجنه
اقرأ أيضاً:
نهاية المطاف
موج القمر
ضيفيات
إتبعنا
