يا منسي أنت البطل
محمد عبد العزيز رمضان
يا منسي أنت البطل
ضحيت عشنا كتير
شايل سلاحك بقوة
لخسيس جبان وخطير
في قلوبنا مهما حصل
رمز الشجاعة كبير
عمره في يوم ما انكسر
فارس لكل عسير
صوتك نادانا ووصل
لابد من التفكير
لو يوم وطننا أمر
هيلاقي منا كتير
الحق بينا انتصر
والرب في التدبير
شمس وهواها وقمر
وهلاك لكل حقير
والدمع ليها انفجر
وحماكي رب قدير
محفورة جوا القلوب
والكل ليها أسير
وعدوها مغلوب
والصعب فيها يسير
غالية ومش هتهون
عاجز عن التعبير
يا اللي تبيع الوطن
هتعيش خسيس وفقير
حاسب تتوه في الفتن
تصبح في شر مصير
يا منسي أنت البطل
ووقفت وقفة أسود
زى الجبال شوفناك
ثابت ومش مهدود
كل القلوب وياك
جسر الأمل ممدود
ولا عمر يوم ننساك
والكل ليك مشدود
يا وطن دمانا فداك
اللي يخون مفقود
غالي ويا محلاك
يا أحلى ما في الوجود
وسيف قوي وهلاك
على العدو مردود
هيدوق مرار ومعاك
فوق النجوم هنعود
واللي هنا وهناك
هيكونوا لينا شهود
ودوايا هو دواك
بإيدينا نبني سدود
هتكون طريق أشواك
جمرة لكل حقود
