رؤية وابداع
هي الليالي كده؟!
عادل زوين
هي الليالي كده .
أيوه يا ميادة
هي الليالي كده
يقطعلكيش عادة
والقهوة سادة يا سادة
زي اللليالي كده
هي الليالي إيه؟!
وليها كام توصيف؟
سابت فصول السنه
وما نقت إلا خريف
يقطعلكيش تخريف
أصل الليالي كده
التوهة والتغريب
إمتي الليالي تشيب
ويبان بصيص الضي
ميِّت يا ليل وأنا حي
ليه الليالي كده؟
ميوده مالك بقي
اديها حبة فرح
قولي أنا بعشقك
يجوز تداوي الجرح
أبو الليالي كده
جبت قلب منين
بلاش تغني حزين
بزيادةأم انين
خلي الليالي كده
وإلا والله هروح
أسمع حلاوة روح
واقضيها ويا حكيم
وحكيم ما داوي جروح
لكن حقيقي الليالي
بتعرف غير كده
وصحيح قدر مكتوب
لكن الليالي توب
وعليك بتفصيله
تبقي الليالي كده
إقرأ أيضاً:
ثوب الخذلان
عاشقين
يا منسي
إتبعنا
