رؤية وابداع
عصيان قلمي
داليا يحيي
كان قلمي رافض إنه يكتب
أيوه قلمي كان عاصيني
كان شرطه أمحي ناس كتيرة
من حياتي ومن سنيني
قالي هشطب كل شئ
همحي كداب وخاين حتي البرئ
قال دا هيكون راضيني
رديت وقولت
هعيش وحيده ؟؟
أيوه جريوا من عنيا دمعتين
رد قلمي قال قرارك ؟
قالي إمتي هتفهميني
نفس أكون فوق صفحة بيضا
ما اتلوثتش
نفسي لما أكتب حروفي
تبقي عن ناس صادقة ما أتغيرتش
نفسي أكتب بلون قلبك مش سوادهم
والحرف ما يكون كاويني
نفسي أبدأ ويا روحك من جديد
نفسي قلبك لو بس ليلة يبات سعيد
خليني أمحي .أرجوكي سبيني
رديت وقولت يلا عادي
إمحي الجميع
ايه يعني لو كله يضيع
إيه يعني لو دايما خريف ومافيش ربيع
كل مكتوب فوق جبيني
إمحي يا قلمي .
راضيه خلاص بصفحة فاضيه
ودنيا خاليه منهم
بس إوعي يوم تبات عاصيني
إنت اللي ليا
وإنت اللي عايش دنيتي
وقبل فرحي بتعيش أنيني
إقرأ أيضاً:
لم الدفاتر
حفلة توقيع
رسالة
إتبعنا
