رؤية وابداع
حفلة توقيع
هاني آدم
نفسى اعمل حفلة توقيع
لديوان لسه انا ما كتبتوش
و عشق صبيه اسمها محروسه
خدها مزروع فيه ١٠٠ بوسه
و انا في البوس مجرم و فظيع
أنا في البوس أستاذ تقطيع
منهجى عشق السطر البور
إللى عارفنى هييجى ينصفنى
واللي ما يعرفنيش معذور
أصلى معنديش شله تطبل
و لا وقت احضرلكوا ندوات
و لا بطلعلكوا بث مباشر
و لا باتنحنح للستات
قفل مصدي و عمره معدي
على أصنام
إللي بيصحي فيهم بينام
و الشعر مهوش صنعة إيدي ده صنعة روح
موتها سكوتها و عشقها بوح
و البوح فى المطلق معذور
همضيلكوا لكن شرطي الدور
واحد واحد تقفوا طابور
الستات تيجي في الناحيادى
و الرجاله تستنى شويه
همضى بدمى و عز عليا
تقتلوا كلمة حق قايلها
و تصقفوا للبهلوانات
بكره هتفهموا قصدى يا جايز
أفهم أنا معنى الإنصات.
إقرأ أيضاً:
“طفلة الأرجوحة”
لم الدفاتر
الأستاذ
إتبعنا