حواء

هاني آدم

حوا بين شطرين قصيدة

و بين ضلوع آدم مجاز

حاز على إعجاب شاعر اتجنن

شاب شعره و لسة ما سابهاش

حاش عن روحه أسباب الراحة

شافها الكدب و شافها صراحة

كل الأحلام المهزومة

معركة كان نفسه يفوز بيها

ذنب قديم من أيام آدم

مغفرة لابسة هدوم شفافة

مرض اتعافى ومريض مش راضي

ياخد الدوا لو كان فى بعاد

صاد ضاد عاد من حيث بداية

وانتهى عندها بالتواشيح

زى الدعوة المتشالة شوق

على كف العاشق المخلوق

زي آهات عملت موال

حضن فى نني العين متشال

دايرة بتقفل على موعود

كان نفسه بأحلامها يجود

شمر كمه و كتف همه

على عتبتها ربط رجليه

عقله يقوله ما تمشي وتنسى

قلبه يقول

عاشق مشلول

إقرأ أيضاً:

السيرة النبوية: الجزء الأول

قبلَ أن تأتي الحياة

“مقال “عن مريد البرغوثي”