رؤية وابداع
أنا هويت
بقلم : سلوى صبح
أنا هويت والهوى
صياد بلا رحمة..
رماني عليه واخترته
من وسط الزحمة..
ولا كنت ناوي أحب
دا أنا في الهوى لخمة..
وتعبت أجري وراه
وحبيبي طِباعه رِخمة..
أدلعهُ يتقل..
أحايلُه يدلل..
أسيبه يتكبر..
وأموت ميت مرة
من الحسرة..
طيب بس إيه العمل..
وأنا قلبي مايل ليه
ونصيبي أحب وأدوب ..
بس الجميل قاسي..
وأنا قلبي بيآسي..
سُقت عليه ناسي
وبعت له المراسيل..
يمكن لقلبي يميل..
لكنه متعصَّب
وطبعه متكهرَّب..
طب بس لو يحاول يجرب..
يسلِّم ولا يتكلِّم..
آه يا سلام سلِّم..
يجي يوم ونتكلم..
أعرفه طبعي..
وحنيني إليه..
وأغني له موال ..
عُمره في يوم ما اتقال..
عن عشق ماليني
وعن مرار الحال..
وإني هويت قُربه..
ونفسي أكون جنبه..
في بُعدُه قلبي مُحال
يدوق رواقة البال..
إقرأ أيضاً:
سجين
الضلمة قرار
ذبذبات
إتبعنا