قال إيه!

بقلمي:سلوى صبح.

قال إيه مخبية
وعن كل الناس مدَّارية
وأنا حُبي فاض عن قلبي
وباين في عينيا..
مهو في الحقيقة
من غير مغالطة
أنا سمكة وإنتَ المَّية..
وإن قلت أنا غير كده
أبقى كدابة
مية في المِية
لو يوم بتبقى بعيد
صعبة الحياة جدًا
الحياة من غيرك غبية
والله ده كتير عليا..
ولما بتقرب مني
في العين والنيني
بهدَى أنا شوية
وبنسى كل أحزاني
اللي معبيَّة
غريبة دي جدًا!
إن الحياة ما بيننا
بكل صعوبتها
مليانة حِنية
متميزة جدًا
لو كنا حتى اتنين
أيوة صحيح عاشقين
لكننا واحد
بكل أخوية..
تقولشي رابطة دم
ولا ولاد العم
دي حاجة فِطرية..
عِشرة عظيمة جدًا
متمثلة طبعًا
في شربة المية
ولقمة هنة
سبقها بسم الله
ودوبتها الآه
وهموم متتعدّش
ومنين تلاقي زيي
ولا ألاقي زيك
محتاجة تفصيلة
وأنا على المقاس مظبوط
كل الكلام مغلوط
إلا الحُب، عنه مسكوت
يا أحلى هدية..
ونعمة ربنا عليا.

#بالعامية بقول

إقرأ أيضاً:

ثوب الخذلان

متلازمان

خريف العمر