يا أما يا حبيبتي أنت
محمد عبد العزيز رمضان
يا أما
ياحبيبتي أنت
وحياتك ما تغبيش
لو كل الدنيا ملكي
من غيرك
ما تساويش
أنا هوهبلك
حياتي
ومعايا ما تخافيش
لو غبتي
يا أمي عني
إزاى ممكن أعيش
يا نجوم
في سمايا طلي
وعليا ما تبعديش
حبك نور حياتي
يا حكاية
ما تنتهيش
يا سنيني
وذكرياتي
أنا من غيرك ماليش
شمس تنور
حياتي
نورك ما بينطفيش
خليكي معايا
يا أما
وتعالي وما تروحيش
ماتردي عليا
يا أما
أنا نفسي ما تسكوتيش
يا أما
ياحبيبتي أنت
أنت حبي الوحيد
أنا مهما أبعد
يا أمي
عنك أنا مش بعيد
ورضاكي عليا
يا أما
بيخلي حياتي عيد
أنا نفسي
أرجع صغير
وياكي هكون سعيد
عمرك ما قسيتي
يا أما
وحنانك مش جديد
شمعة تنور
حياتي
لطريقي كمان تإيد
يا أما
ياحبيبتي أنت
أجمل شيئ في الوجود
حبك يا حبيتي
عندي
غالي مالهوش حدود
وَحياتي معاكي
يا أما
بستان مليان ورود
ودعاك يا أمي
جنة
وطريقي للصعود
فوق كل الصعب
يا أما
هكسر كل القيود
تصبح كل الأماني
حقيقة
مش وعود
ياأما
يا حبيبتي أنت
من غيرك مش هكون
لو تاهت خطوة
مني
راح يقتلني الجنون
قلبك بيخاف
عليا
قلبك هادي وحنون
أنت يا أجمل
هدية
أنت يا نور العيون
