كفاية

سلوي صبح

خلاص هنعيش

الباقي من الأيام

دُنيا آخرها الأحلام!!

وعمر يعدي يجري أوام

وكل اللي هنعمله

استسلام!!

رضينا باللي باقي فينا

وما رضينا نسيب الحلم

ونبُص لقدام!!

تعبنا وضاعت الراحة

مشينا في ساحة ورا ساحة

سيرًا على الأقدام..

حبينا خضوعنا- لأ رافضين

ركنا عقولنا- مش قادرين

ورايحين بالحياة على فين؟

يا ريت عارفين؟

حد يقولنا نجيب منين؟

صواب وخطأ..

صح وغلط..

ثابت على الملايين

من غير جدال!!

وهري ولَك ع الفاضي

وكل سؤال نرد عليه

دا كان صح بس في الماضي!!

كفاية كلام

خلصنا سلام

كفاية استسلام

لكل كلام إنتَ عَنْهُ مش راضي..

إقرأ أيضاً:

 كان فين عقلي

نداء

سجين