الجمل الباكي
عادل زوين
الجمل الصبار من يومه
الكاتم حزنه مع همومه
اوعاك تظلمه او تقسى عليه
وإن حصل إياك ما تبَّكي عنيه
وإن بات مكبوت اوعي تلومه
دي دموعه بتغسله من جوا
بعد أما يعاني ويتسوى
بيعافر ثم بيتقوى
والصبر جميل واهو من كومه
بيعدي ولكن ما بينساش
ويبيع العمر ولو ببلاش
لكِنّ الدنيا دي ما بتسواش
يطلعوا ينزلوا يمشوا يقوموا
بيبص ببطء وبهداوة
وفي عينه الكل بيتساوى
و مرارة صبره كما حلاوة
والعفو إن بكى صار مرسومُه
الجمل الباكي مهوش مكسور
بالعكس ده بات فعلا منصور
واتخطي سراب و رمال وجسور
واتجاوز عوه مع حسومه
عطشته ألمته وكان واهم
وتعبته و هو بيتفاهم
مع مر الوقت صبح فاهم
واهو فعلك صحاه من نومه
وشك اكشفه مهو بقى باين
ومالكش عزيز كلنا هاين
وبتحلف ال إنك صاين
الفين عوام عام على عومه
و درامتك مالآخر ماسخة
روحك من جوا بقت وس ##
في الكدب وبس يادوب تسخى
اوزن لي كلامك وتسومُه
اصدق لو مرة يجوز نسمح
ولوجع الآه يجوز نمسح
الصدق طريق الخير والصح
ولا أنت الصدق ده معدُومُه؟!
