رامي وحيد عن دوره في المماليك: “نقلة مهمة في مشواري”

هاجر زينهم

عبر الفنان “رامي وحيد” عن سعادته لمشاركته في مسلسل “المماليك” مؤكدًا على أهمية دوره في رصيده الفني، عبر حسابه الشخصي بموقع تبادل الصور الإنستجرام.

ونشر “وحيد” صور من كواليس العمل وعلق عليها قائلاً: “بعد نهاية المسلسل أحب أقول أن شخصية علي فهمي من مسلسل المماليك، كانت نقلة مهمة في مشواري، بشكر كل اللي ليهم دور في خروج التجربة اللي ربنا كرمنا فيها كرم كبير، بحب الناس ليها ونجاحها بالشكل ده”.

 

 

وعن ترشيحه للعمل قال “وحيد”: “من أول ترشيحي للدور من المخرج حازم فودة اللي بيشيل على كتفه أمانة، وبشكرك على ثقتك فيا في الدور الصعب الجديد عليا، اللي فيه كل الأبعاد دي، ويارب أكون كنت قد الثقة دي في أول تجربة دراما ليك”.

 

 

وكشف “وحيد” عن سبب مشاركته في العمل قائلاً: “المؤلف هشام هلال المبدع الموهوب واحد من أهم العناصر اللي شدتني للمسلسل، وبداية نجاحنا كلنا ألف شكر على العظمة دي، للمنتجين اللي اتحدوا ظروف صعبة على مستويات كتير منها إيهاب منير وشركاه”.

 

 

كما وجه “وحيد” الشكر لكل الفريق خلف الكواليس قائلاً: “ألف ألف شكر على المستوى ده للصورة المحترفة اللي أتعامل مع كل أدواته بمعلمة أحمد الفار، والديكور كامبا العالمي والمنتج الفني المحترف اللي أتحمل كل المشاكل حلال العقد أحمد زكي”.

 

 

وعن شكله الجديد في المسلسل قال “وحيد”: “الستايلست علا علي اللي عملتلي شكل جديد عليا جدًا أول مرة أظهر به شكرًا على مجهودك الجبار وذوقك الحلو أوي”.

 

 

وعبر “وحيد” عن سعادته لتعاونه مع فريق العمل قائلاً: “لكل الزملاء الممثلين اللي استمتعت بالشغل قدامهم، الفنان الموهوب التلقائي ابن الأصول محمد لطفي، النجمة رانيا يوسف تاني قصة حب لينا وعقبال نجاحات كتير مع بعض، فيدرا المجتهدة اللي استمتعت بأول مرة نشتغل فيها مع بعض وأتمنى تتكرر”.

 

 

وتابع “رامي” قائلاً: “القمر عائشة اللي من أحلى المشاهد اللي اتقابلنا فيها، وصديقي المتعدد المواهب اللي عامل دور حلو قوي رامي غيط، ونانسي صلاح الخطيرة”.

“والأسطورة بيومي فؤاد اللي للأسف ما اتقابلناش حتى في التتر، والرايق محمد سليمان صديقي المحترف، وعمر حسن يوسف الجامد السهل الممتنع”.

 

 

وفي النهاية اختتم ” رامي” حديثه قائلاً: “أحسنتم جميعًا وأتشرفت جدًا بالشغل معاكوا، والفرحة الكبيرة بنجاح المسلسل على مستوى الجمهور نستني أي تعب، يارب دائمًا أكون عند حسن ظن الجمهور والزملاء وأهلي وأصدقائي”.