آه م الحُب

سلوي صبح

 

آه م الحُب..

نعيش نحب

وندوب في الحُب

ويجي الفِراقِ كأنه قُرب..

غريبة وعجيبة

دُنيا الحُب..

مفيش فُراق

رغم البعاد..

بيدُق القلب..

شوق رهيب

مينتهيش وإزاي هعيش؟

وغرامه جوة القلب دَبّ..

خبَّط كتير..

صوته خطير

زي العصافير..

رقتها خلَّت قلبي شابْ..

والثانية في قرب الحبيب

زي الساعات

كلها حكايات

الله عليها نعمة من الرب..

حبيت أنا طعم الحياة

واللهِ كان كلها مُعاناة

وآلامها كِدب!!

توصف سعادتك في اللُقا

ولا مرارةَ الغِيابِ

مين عنه تاب..

قُوله يا كداب!!

كفاية إن قلبك حَبّ..

شوف أما أقولك

لو حبيت…

يبقى انتهيت!!

أيوة خلاص

سلِّم وقول يالله السلامة

واملا عُمرك كُله حُب

آهين وآه

آه م الحُب..

إقرأ أيضاً:

أنت روحي

حلم متشعبط

جفاء