حُب على الورق

سلوي صبح

مراجعة لغوية:دعاء الزغبي

حُبي كان على الورق

ذنب قلبي إنه غِرق

في بحر حُبه واندلق

شرب المُر واتفلق

ما يتفلق علشان غِرق

في شوق طويل

كأنه ليل ما لوش نهار..

كله كان على الورق..

نقطة عسل عقله فصل

نزل يدوق في لحظة شوق

شاف المرار عاش في قلق..

ولما قاوِّح كأنه فالِح

سِمع كلامه دغدغ عِضامه

ولما فاق قلبه اتحرق..

آه يا سلام على الكلام

لما يكون حروف بتزحف

ع الورق مافيهاش أمل

بس نقولها عَلى الملأ..

بأعلى صوت من غير سكوت

بنحب برده على الورق

من غير حياة..

غير الحياة..

اللي كتبها القلم حرف حرف..

وحطها على الورق..

إقرأ أيضاً:

سوء تقديري

ميثاق كاذب

سجين