عمرو محمود ياسين يشكر صناع “نصيبي وقسمتك4” كاملًا

 

مادونا عادل عدلي

قام الفنان والمؤلف المبدع “عمرو محمود ياسين” بالشكر لكل من شارك قدم حكاية أو دور من كرو العمل في مسلسل “نصيبي وقسمتك4”

فركش اخيرا مسلسل نصيبي وقسمتك 4

بأمانة شديدة احنا كان معانا وحوش مش كروو بجميع الاقسام، من انتاج وإخراج تصوير واضاءه مونتاج صوت و مكساج وديكور.. ملابس مكيا، بوفيه سواقين ..
وطبعا كمان الممثلين بكل حكاية .

بصراحه كانوا بييجوا بنعذبهم والضحايا كتير ..

بس الناس لازم تعرف ان كل الحكايات اتكتبت على الهوا، اتصورت على الهوا، اتمنتجت على الهوا، في سباق رهيب مع الزمن لم اراه من قبل.

شيء محدش يقدر يتخيله، بجد اللي حصل في المسلسل ده محدش يتخيله لاننا اضطرينا نشتغل في توقيت معين واخدنا الريسك، فا نأسف لو في اي تقصير، من اي حد فينا .

وتابع… انا عايز اشكر كل الناس فرد فرد لان كلهم كانوا ابطال و بيشتغلوا ب ٣٠ ساعه واكتر، بس احب اشير للدايره القريبه مني في الشغلانه اللي هما كانوا اكبر عون لي وكنت بتعامل معاهم طول الوقت، وهم

المنتج المحترم وصديقي احمد عبد العاطي، شريك الرحله لللي بنشيل الهم سوا

المخرج المنفذ احمد عمر اللي بينيمني ويصحيني ع مزاجه و يرسم لي الطريق اعمل ايه و معملش ايه

المشرف العام على الانتاج ماجد جاب الله المنتج الفني ايمن شوقي و مدير ادارة الانتاج وليد الحسيني اللي دايما بيطمني انه كله تمام حتي لو مش كله تمام بس بيعالجني نفسيا، و مدير الإنتاج أيمن عباس وجميع افراد طاقم الانتاج، مهندس الديكور رمسيس سليم و مهندس محمد المغازي اللي فجاه بطلب منهم تغيير اوضة نوم لقسم شرطه عادي

وباقي افراد قسم الديكور الرائعين مسنقين مناظر هاني سلطان وسامي حميدة.

ستايلست حسن مصطفى اللي بياخد البريف لاست مينت وبيسد عادي و جميع مساعديه، مصمم صوت و مكساج العالمي مهندس علي السعيد

مهندس الصوت محمد زكريا ومساعديه .. واسيست محمود.. المونتيره المتمكنه جدا منه جاب الله وايه عبدالعزيز ومصطفى عماد ويوسف عادل اللي صمم هذه الافيشات الرائعه

بروموهات وليد ابوالعنين، وبوبا دياب ميكاب ارتيست وجميع مساعديها وكوافير اسماعيل الاسكندراني اكسسوار هاني جمال بوست برودكشن خليفه السيد

وطاقم الإخراج الرائع .. ( الوحوش ) بجد وحوش مساعد اول مصطفى الجمال وضياء سيف و مي وائل و مأمون شديد واسلام ناصر.. بجد ليهم الف تحية عمود العمل دول

وجميع من عمل بالاخراج. ..مدير التصوير المتميز هيثم ناصر و المخضرم عماد عثمان وحسن زيدان و محمد شديد وجميع طاقم التصوير وكاستنج دايركتور محمد حجاج .

طبعا الاسماء دي مش بذكرها مش عشان هي الاهم بقدر ما ان دول الناس اللي كنت بتعامل معاهم طول الوقت بشكل مباشر ..

وفي نهاية حديثه علق…واخيرا وليس اخرا المخرجين الرائعين، الاستاذ عصام نصار.. الاستاذ محمد الخبيري، والأستاذ رامي رزق الله اللي قدروا يقدموا حكايات جميله في ظروف صعبه جدا وسكريبت مش خلصان لكن كانوا في ضهري وقدموا شغل رائع. ..كل التحيه لهم والتقدير والف شكر للجمهور الرائع على الدعم والمساندة