رؤية وابداع
عيشي علي كلامي
هاني آدم
لو مت عيشى على كلامى
و حفظيه ﻷهل البلد
قولى كان هنا شاعر ولد
مش عاجبه شئ فى الكون بحاله
و فيلسوف حد الفضا
قولى عمره ما استأذن من شغله
عشان يبقى معايا ع الغدا
قولى كان حنين فى ابتسامته
بيتكسف لو جابوا سيرته
و كان عنيد
راسه ناشفه ولا قالب حديد
و كان غبى
بيحس باللى بينكروه
و يقسى عليا
مسكينه خدت بواقى شاعر
ساذج النيه
بس اﻷمانه فى طبطباته خلق جناحات
و بكل بساطه
بيقلب حزنى غنا و حكايات
مرحوم فى الحاضر و الغايب
روح مش جسد
قولى كان بيحلم
يملا دنيتى أمنيات
و فجأه مات
زى اﻷسد
إقرأ أيضاً:
ركن الذكريات
حلم سعيد
من أجل عينيك
إتبعنا
