رؤية وابداع
ساعة العبور دقة طبول
محمد عبد العزيز رمضان
ساعة العبور دقة طبول
بالنصر لاحت في السما
عدى الأسود عبرو الحدود
صوتهم مدوي بجلجلا
الله أكبر يا رجال
راح نمحي عار من ارضنا
ونكون بحق خير الجنود
ناخد حقوقنا بنفسنا
حطمنا خط كمان منيع
لأن دينا في قلبنا
وشعارنا موت وكمان صمود
علشان نرجع حقنا
وكمان بقولها بصوت جهير
إياك تقرب مننا
هتشوف عذاب زي اللي فات
ومش هننسي اننا
هكسوس هزمنا كمان مغول
وروح إراده تلمنا
هرب الجبان ترك الميدان
وخاف يقرب مننا
الله أكبر يا أسود
ومين يضحي زينا
الفجر لاح هل الصباح
وتاريخنا سجل اسمنا
قالوا رجال وولاد رجال
ومافي حد يهمنا
شيلنا السلاح ساعة الصباح
نحمي بلادنا بدمنا
ساعة العبور محتاج أقول
الشرطة جابت حقنا
ومش هكون أويوم أخون
فيهم أخونا وابننا
سهرو عشان احنا ننام
يبغوا سلامنا وأمننا
إتبعنا
