“اهداء إلى عُمال النظافه ف مصر”

بقلم: حسام خالد

أنا المنسي في حكايتك .. أنا مرايتك
أنا اللي صاحبت رصفانك
وعشانك صاحبت ترابكوا على جسمي
أنا اللي بتغلطوا في أسمي
ومش بهتم
أنا حافظ الشوارع صم
أنا الشرف اللي بتشوفه مزله وعار
أنا مش عبد ولا هبقى ..
أنا حدوتة الاحرار
أنا المنسي ..
ولا عمري هلوم نفسي
ومهما تصنعوا في يأسي
ضميري وشرفي مابيرضوش
أنا اللي باخد كام ملطوش
وبحمد ربي على العيشه
لكن أكيد احسن من حد
بينفخ همه ف الشيشه
ومستني يبقى مدير
أنا اللي بهز إي ضمير
أنا متهان .. وغيري كتير
وكل اهانه بدفنها ..
ف كوم لزبالها سايبنها
واخدها بحبي وكرامتي
اللي كل شويه بتهينها
واقول لآبني حبيبي افرح
ده لما صحابه بيعايروا
بقوله أتباها وأتفاخر
ما هو اللي بيخدم المخاليق
رسوله وربُه بيحبوه
محدش لُه جميل عندك
ولما الدنيا هتعاندك
ف ربي حاريسنا مـ المكروه ..