رؤية وابداع
مقسوم أنا نصين
مقسوم أنا نصين
بقلمي/ سلوى صبح
مقسوم أنا نصين
مشقوق وكل شق
مليان هموم وجراح
بداريها بضحكة
مالية الوش..
وبغِش.. أيوة بغِش
بغش كل الناس
بضحكتي كأني
ملك.. وأنا اللي قلبي
اتقهر ومن الغيوم
اتعصر..
ولا عمره بيَّن شئ
غير إنه أبداً ما ..
يوم انظلم..
واللهِ عندي حق..
مع إني أنا المظلوم
وظلمي أد الكون
أو زودوا شوية..
وبداري في عنيه
لا يبان بُكاها وضعفها
يهز أركاني..
وكأنه سجاني..
مشدودة جدراني
على نفسي بزيادة
وروحي منكسرة
مشقوقة نص ونص
نص انكتب له يعيش
جوة الحيطان في الشق
ونصها التاني..
يرمح كما الخيال
بفرسه الأبيض
وخياله المارد
زي الفرس شارد
من غير لجام بيشق
قلب الرياح يجري
وخِفته تواسي
كل الجِرَاح وتشق
نهار سعيد شقشق
على الغيوم بيدق.
بالعامية بقول.
إتبعنا