هكسب نفسي وأخسرك
هكسب نفسي وأخسرك
صابرين عاشور
مش قابله تاني أكون ف قصتك ديما ضحيه
أنا اللي أضحي وانت تصحي أوجاعي فيا
عندك قضيه هي أنا والمكسب فيها غيه ..
شوفت إيه وياك غير دموع ماليه عنيا؟؟!
كان بختي مايل كان بختي مايل
زي بيت آل للسقوط أستني ولا امشي
النهاية هي هي مكتوب ليا أمووت..
مكتوب لقلبي يموت جوه مني
مكتوب لي أغني وانا صوتي راح
مكتوب أسيب الم يجيني ألف
غيره وافضل أبكي حتي الصباح
…
مش قابله تاني أعيش معاك بفضل أعاني
بتيجي وتمشي وتسيب ليا ذكري وعتاب
وشوية أماني ..
بتسيبني وحدي أسهر عشانك واسمع أغاني
لما انت مش ليا ولا ناوى تبقي ما تسيبني
أمشي من كتر عمايلك حتي علي نفسي
ما بقتش ببقي ..
ف أستني ليه بقا يعني أموت؟!
مسكين يا قلبي عشقت خاين
الغدر والقسوة فيه مكنش باين
مكتوب ليه هو يحب ألف غيري
وأنا اللي أحضن سكات حاضن سكوت ..
مكتوب يجيب خنجر وجوايا يفوت ..
واشده بإيدي واكمل معاه
وأغمض عنيا ي ناس عن قساه
عنيا كانت مفتحه للكل وعاميه
ليه ليه في لوقاه..
ف وهبته الأمل ونزع مني كل
معني حلو فالحيااااه ..
مش قابله تاني لو فضلت
علي حالي هابقي واحدة
جت فالحياة وراحت ضحيه
مش قابله تاني .. مش قابله تاني
أكون ضحيه ..
انا حاطه نفسي قدامي وناوية
أخسرك وأكسبها هي ..
