رؤية وابداع
جبت أخري
بقلم داليا يحيى
جب أخري من زمان
يوم ما دوقت المر كله
منهم
يوم ما الظلم كان أساسهم
أصلهم
جبت أخري لما سقوني
شهد مر طعمه في جوفي
علقم ..والفرحه سكنت
قلبهم
جبت أخري من عمر فات
ومن سكات هزمتني طيبتي
سكينه بارده دبحوني بيها
والغدر طبع في دمهم
عايش ما بينهم زي الغريب
والكلمه مني تقيله جدا
وأنا اللي فيا ميت ألف عيب
وأنا اللي عشت العمر محني
شايل فوق كتافي
همهم
أنا اللي عايش طول عمري
بضحك أراجوز يداري
جوا منه دمعه عينيه..عايش
بيرقص وينط فوق جراح
وشوك يمكن ينول يوم
ودهم
جبت أخري وبعد أخري
بسنييين كتير حالف خلاص
من اللحظة ديا يحرم عليا
أعيش وسطهم
يحرم عليا ..يوم ود ليهم
أنا حاجه غيرهم .ما أشبهش
ليهم وسعيد بجد إني أكون
مش زيهم
إتبعنا