رؤية وابداع

وطني في الأزمة

بقلم/ام هاشم العيسوي

وطني في الأزمة بيناديني

وطالب مني الوعي واحنا له في أشد الاحتياج

ما تخليك يا ابن بلدي في بيتك لا اجيلك ولا تجيني

والظروف بهدوء هتعدي ومن غير ازعاج

بلدنا في شدتها وبكل ارشادتها عيون صاحيه

واحنا بس فالحين نتعدي كل التعليمات والحدود

وكل يوم بنودع ياما بالسلامات

وابطالنا بيحاولوا يحمونا من كل ناحيه

وجسر الشهاده معاهم وحالفين لبلدهم البقاء والخلود

اللي جاي جايز اقوي واصعب

ولكن بشجاعتنا تملي اسود

مهما نقابل راضين لو هنتحمل ونتعب

ما ياما مواقف عدت علينا وبنفرح لما بقوه نعود

ليه نكابر على البلاء وليه نعاند

لو نتحمل كمان شويه

البلد محتاجانا كلنا ايد واحده نساند

وكل ازمه بتعدي بتبان بعدها أنها قويه

فليه منقفش جنبها 

ما كرمتني كتير واحنا لازم نكون اد المسؤوليه

حبها لينا مش ذنبها

والكل يشهد انها في الازمات عنيده وأبيه

وفي النهاية كل الشكر لجيشنا الابيض

من الأطبا والتمريض

اللي حياتهم كل يوم في خطر

فدا واجبهم والجنه ليهم التعويض

واهم عرفونا اكتر بتضحيتهم قيمه البشر

وبكل عزيمه بيعالجو المريض

ورامو تكالهم ع ربنا والقدر

مقالات ذات صلة

زر الذهاب إلى الأعلى

أنت تستخدم إضافة Adblock

لديك مانع اعلانات فضلآ قم بتعطيله لتستطيع استخدام موقعنا