رؤية وابداع
نفس الحِكاية
سلوي صبح
—————-
ما تتعشمش
في غير ربك
كده كفاية..
ما تتعشمش
عشان في يوم
على عمرك
ما تندمش
بلا نهاية !
قالوا لنا كتير
مات العشم
في الغير
وده العادي
في كل حكاية !
هتدي كتير
وراح تتعب
كتير طبعًا
وما هتكسب
غير الخذلان
في النهاية !
حكايتك إيه؟
هتحكيها …
وفي الآخر
هتتكرر
كذا مرة مع الأيام
ودي طبيعة الحياة
يا إنسان!
بتكدب ليه على نفسك
عشان تهدى
وشايف الكذب
جوة القلب
وفي المراية !
تحاول
والمحاولة سراب
وتحسبها حقيقة
وأنتَ كداب!!
ولو فجأة صحيت
م النوم
ودقت ساعة المنبه
قووووم!
ولا تحزن
وهتعدي
وهتكمِل نفس الحكاية
ولكن …
حاول تغير البداية …
علشان تحِب النهاية.
مراجعة لغوية: رويدا أحمد.
إتبعنا
