لميس الحديدي معلقة على حادثة البدرشين :ضحايانا من حوادث الطرق أكبر من ضحايانا في حوادث الارهاب وبلا ثمن أو سبب

عرضت الاعلامية لميس الحديدي فيديو حادثة البدرشين المروع الذي وقع صباح اليوم وعلقت قائلة ط شيء مرعب ومفزع الميكروباص مافرملش أكيد ماعندوش فرامل وماشي بسرعة رهيبة وكانت السيارة تقل ثلاثة اطفال في طريقهم للمدرسة أضافت عبر برنامجها ” كلمة أخيرة ” المذاع على شاشة ” ON” قائلة ” جاي يجري وحتى مابصش العربية الي شايلة الاولاد مش غلطانة التاني جاي بسرعة مابصش حتى سرعة رهيبة تقريبا مافيش فرامل حتى وغنتهت الحادثة في النهاية بمصرع ستة أشخاص منهم سائقي مركبة الاطفال وسائق الميكروباص بالاضافة لثلاثة اطفال لقيوا حتفهم وسيدة ربما تكون المشرفة أو مدرسة .. ربنا يرحم الجميع ويصبر اهالي الاطفال ”

واكملت ” لازم يكون فيه قانون رادع لفكرة السرعة بالذات الميكروباصات عاوزين قانون ليها لوحدها لا عاوزين قانونين للميكروباصات والنقل لان معظم حوادث مصر الان إما من الميكروباصات أو النقل صحيح النقل بدأت تتظبط بعض الشيء لكن الميكروبصات لسه ماشية براحتها .. فيديو مفزع ومؤلم .. مافيش كلام يتقال “. وتابعت ” الموضوع بقى خطير بيروح فيه أرواح كتيرة أطفال وكبار يعني ضحايانا من حوادث المرور اكبر من ضحايانا في حوادث الارهاب على الاققل الارهاب معركتنا مع العدو لكن المرور ناس بتروح بلا ثمن او سبب عيال رايحة المدرسة المفروض يعملوا إيه ؟