محمود كهربا: كابتن محمود الخطيب هو الأب الروحي ليا وبتعلم من خبرته

مادونا عادل عدلي

أعرب لاعب النادي الأهلي محمود كهربا عن حبه الكبير للكابتن محمود الخطيب، قائلًا: “كابتن محمود الخطيب هو الأب الروحي، ودايما بتعلم منه وهو اكتر حد ساندني بخبرته وغير من شخصية كهربا، وقالي لازم تبقى اهدى من كده وبيقعد معايا ويعلمني بخبرته، مبغلطش عشان اي حاجة بعملها باذن الخطيب، ومكلمنيش على حلقة رامز، وميعرفش مشكلتي مع مدحت شلبي، وبيقولى عايزك تساعد الفرقة والفرقة تساعدك مش تلبس تيشرت الاهلي وخلاص”.

وقال محمود كهربا، خلال استضافته ببرنامج “أسرار” مع الإعلامية أميرة بدر المذاع على قناة النهار: “أجلت فرح اختى 4 شهور، لأني كان نفسي اكون معاها وحددت اليوم من غير ما اعرف اننا مسافرين، و استأذنت من المدير الفني، ومفيش مشاكل بيني بين حد في الجهاز الفني، وعندنا اللاعيب لو بيلعب البدلاء بتوعه هما أكبر داعم له، وفرح اختي معملش شرخ بيني وبين كولر”.

برنامج “أسرار” تقدمه الإعلامية أميرة بدر على شاشة النهار يومياً خلال شهر رمضان، في تمام الساعة التاسعة والنصف مساءً، تستضيف من خلاله عدد من نجوم الفن والرياضة والسياسة في مصر.

https://fb.watch/r0hDaxMdIf/