رؤية وابداع
يا ضَيَّ العِين يا وَلَدِي.
سلوي صبح
وهناً على وهنٍ
أنا من بدأ الخليقة شقيت
وأصاب جسمي الضعف
ياما عانيت
ويقولوا قلب الأم
أزيد وأتمادى
في حبي ليهم وبتفادى
حتى نسيم الهوى
يعدي عليهم ويتهادى
لِطرف توبهم – لا يلمِس
ويؤذي قلبي كالعادة
ده حُبي لولدي يتقال فيه مواويل
ده وُلِد قلبي ابن حلال
في الأصل وِلْد أصيل
لا يوم هيجي عليَّا
ولا على حقوقي يِمِيل
ولما تحتاج لأُمك
تلقى حضني كبير
يساعك أنت وحِملَك
وزيادة عليهم التفاصيل
وروحي إليك بترجِف
زي وتر العود
وصوتك في أُذني بيشجِّي
زي صوت النَّاي
مُجرد أشوفك روحي بترقص
وتحاوطك بسدود
تصونك وتحميك من البُكا والآه
وتبقى سندك يا ضَيّ العِين
وين ما رجليك تخطي
وتوديك على فين
ودعوة أمك يا ولدَّي
ترد القَّدر عنَّك
ودعوة أمك تفتح لك
كل باب مُغلَّق
وتحميك بدِرع حصين
يا روح الروح
يا زرعتي اللي رويتها
من قلبي المجروح
تِصير شجرة عفيَّه
وأدارى في الضِّلَه بفروعها
الشجرة العظيمة ديَّه
نبتت من دموع عينيه
إتبعنا
