أنتم غلطتي
بقلم أم هاشم العيسوي
حدثوني عن المشاعر وعرفوني جواكم ايه سلطتي
دا أنا ياما أخلصت ليكم وصفيت نيتي
كنتو أدامي تمدحوا فيا
ومن ورايا مشوهين سمعتي
كنت معاكم تايه واديني فوقت
وعرفت طريقي وسكتي
مش زعلان من أفعالكم
ولكن زعلان على نفسي
زعلان لأنكم غلطتي
واديني بقولكم دلوقتي طظ فيكم
ما تستاهلوا لحظة حزن
ولا حتى بقى من حقكم أندم عليكم
وبحمد ربنا على كل اللي فات
ما كنت بفرح لفرحكم
ودلوقتي أنا خلاص انتهيت على ايديكم
كنت ليكم فرصة
وكنت ليكم طاقة قدر
وأنتم اديتوني أصعب قرصهم
أصلكم متعرفوش وفاء
تعرفوا بس معنى الغدر
غيركم يتمنوا نظرة يتمنوا القرب
بس نصيبي كان أنتم
وأنا غلطت في اختياري
وبعد كل اللي فات عن قلبي بقيتوا غرب
متعتكم ياما بيا
وفي النهاية لعبتوا بيا زي الأتاري
واللي بين قلوبنا دلوقتي بقت حرب
وقلبي ليكم كان متاح
كان ليكم بس ساري
كنت عاطيكم مدى الحياة الصلاحية
وأنتم بسهولة بعتوا إخلاصي
وبكل أنانية منكم وقعتوني زي الضحية
