رؤية وابداع
حبيبتي
بقلم سلوى صبح
بتاخدني عينيها وتوديني
وتلون ضحكتها سنيني
حبيتها والحب كاويني
شوقي إليها بيخليني
أغزل لها عمري فستان
بقصايد عِشق وألحان
وأزرع لها إخلاص فدان
تتغندر زي السنيورة
خطوتها توقع فرسان
دي كتير على أي إنسان
ملاك في الأصل مش إنسية
وف شقاوتها تقول جِنيَّة
طعامتها تقولشي عسلية
خفة دم ما ليها حدود
ضحكتها جناين وورود
وجمال أصلي وعليها عُود
تتغزل فيه الجدعان
بحميها ودراعي حارسها
رب الكون يحميها من ناسها
هيَّ الفرسة وأنا فارسها
حبها ليا ما لهشي حدود
ولا كرمها ده مش معهود
إخلاصها بالكلمة عقود
أنا حبيتها ودوبت يا ناس
كل الستات خلصوا خلاص
هي وبس مليكة قلبي
ووهبت لها روحي وعمري.
إتبعنا