الحالة جت
بقلم داليا يحيى
معقوله فعلا ..الحالة جت
أيوه صحيح طَلَبِت كتابة
طلبت معايا أكتب فَاني
ما الوضع أصله مليان كئابه
والشعر مني هربان ياناس
بيقولي منك بستجير
ياريتني أهرب عَلَني
أنأي بعيداً عن حروف سوف
تُشوه سمعتي ..
طَمنت قلبه وقولت إفضل
دانا حتى هحكي كلام ظريف
وليك عليا لا جايبه سيرة
عتمه وقتامه ولا حتى هنطق
وأقول دي مالها سودا السحابه
وسألته قولي بربك دُلَني
أكتب عن إيه ..؟ إيه في
الحياة ممكن يسر
ولا أقولك هكتب رومانسي يا فوللي
فين هي طيب أم السعادة
دي حياتنا أشبه بوحوش في غابه
وبيوتنا صبحت عزل إجتماعي
وحجر جبري وصمت قهري
مربوط لساني ونفسي حد يفكني
هكتب كلام كله تفاؤل هضحك
وأجيب ناس برضو تضحك
نسهر نغني علي الربابه
ممكن نهيس.ماهو مش كويس
ولا حتى مسموح حد فيكوا يردني
هعمل عبيطه وأقلبها زيطه.
ما هو وضع صعب على الغني
وعلى الفقير وعلى الغلابه
وإن حد شافني من إي شباك
ماشيه وبقرب ممكن ساعتها يشدني
مش قولت ليكوا فكرت أكتب
قلبت معايا بشئ فاني
والكلمه برضو قلبت وقار
قلبت نكد ..خليني بكره أرجع
وأكمل يمكن ساعتها
تقلب نُكَت والكلمه تطلع تنجلي
