أم مصرية
بقلم نجوى محمد
أم الشهيد
أفرحي يا أم الشهيد
وقابلي شهيدك بضحكة وزغرودة
وٱوعي تبكي بعيونك
إبنك ده فخر البلد
وإوعي تقولي إنك خسرتي الولد
ابنك دا البطل
قدم روحه في أعظم عمل
الملايكة هللت وكبرت لما شفته
وبجناحتها ورفرفها استقبلته
ومن اوسع الأبواب للجنة دخلته
وبيقولك ياأمي أنا هنا
هستناكي وان شاء الله أسعد بلقاكي
ربي رضي عليا وكافئني بأعظم وسام
اوعي ياامي تزعلي
اوعي تقولي إبني مات
إنا حي ٱرزق في الجنة
وجيراني أعز الأحباب
افتخري ياأمي واحكي لحبايبك
ٱن إبنك ضحي بروحه لجل هما يعيشوا
مش عايز أشوف دموعك
وانا عارف إني ساكن بين ضلوعك
أصبري ياأمي ليوم ماأشوفك
وتفرحي بنعيمي في جنة الرحمن
وتتهني معايا واسمع منك أحلي كلام
صحيح هوحشك وهتوحشيني
لكن ياأمي مصر أمي الكبيرة هياكمان
نادتني ولبيت الندا
ودا فرض عليا احميها من كل العدا
وحياتك ياأمي متزعليش
وبعيونك متبكيش
وسلميلي علي حبايبي
وانا هنا بدعيلهم ربي
واغلي الحبايب بلدي
بدعيلها المولي يصونها ومن أعاديها يحفظها
سلام ياأمي مؤقت
مستنيكي وراح أمسك اديكي
لجنة النعيم فيها الوان والوان
وإفرحي ياأمي ومتبكيش
وأنا مت علشان بلدي تعيش
