رؤية وابداع
قلم رصاص
بقلم باسم عادل
بشخبط بس شخبطتى مش دايمه ديما وبتموت
100 الف قصه بتتحكى وبتترسم
وبنمشى بيها فى الشوارع والبيوت
مرسومه زحمه مرسوم صراخ مرسوم سكوت
مرسوم وجع مكتوم
بس الألم له الف صوت
رسمت قصة شاب
من كتر الالم والهم شاب
رسمت نهر فى صحرا
وفجأه لقيته سراب
رسمت كاس الدوا
لقيت مرارُه عذاب
حطيت امل على صاحب
ولقيت الظن خاب
حلمت بفكره لبكره
طلع الواقع كداب
ماهو انا قلم رصاص
رسوماتى سهل تتمحى وتتبدل بدون اسباب
ماليش الحق اشتكى ولا اسأل ليه
قصص حياتى زى ضباب
سكون الليل مداريها مخبيها
تطلع عليها الشمس تخفيها
فوق السحاب
وترجع تترسم تانى خيال تانى عالم تانى
حكاوى كتير بنحكيها ونسمعها فى الاغانى
لو عجبتنا نخليها… ونمسح منها اتعابنا ونخفيها من الاساس
مهو انا سهل انى اتمسح
لأنى…….رصاص
باسم
لو هترسم احلامك
احسنلك ارسمها بقلم جاف علشان محدش ييجى بسهوله يمسحها
اتمسك بأحلامك
إتبعنا
جميلة يا شاعر استمر