رؤية وابداع
بحبك
بقلم:سلوى صبح
بحبك ليل طويل داكن
نهاره ساكن في أحضاني
نكون أنا وأنت شمسه
بحبك صبح متلون
بلون ورده وعصافيره
وأجمل مافيه نفسه
بحبك شجرة وعصفورتين
وتغريدة يقولها إتنين
بكل الحُب وبأُنسُه
بحبك كلمة وبقولها
بأعلى صوت
لكل العالم بأسرُه
بحبك شمس بتنور
ظلام الكون
وتمحي مرارة يأسُه
بحبك مطرة بتدور
على صحرة وترويها
ترجع للوجود حِسُه
بحبك وإنتَ عارف ليه
ما بين قوسين
بكل الشوق وبهمسُه
بحبك قلب يتنفس
هواك أحضان
في كل مكان بتحِسُه
بحبك يا حبيب عيني
دوا سنيني يا روح الروح
أقول تاني أصل الغرام
كلام لامسه.
إتبعنا
