يابختك

هاجر حبيب – محمد سعد 

 

 

عاملة فيها مافيا

واخدة الدنيا عافية

 

الشقاوة فى عينيها

مش سهل حد يراضيها

 

بتصبح وتمسي بس تقيلة

تحس إنها صاحية من تعسيلة

 

نهارها زي ليلها برنسيسة في نفسها

تحب أبوها و أمها و سرها مع أختها

 

جدعة و بنت بلد أحسن من تلاتين ولد

تشيل حمل جبال ومتقولش عايزة سند

 

مسلمه لله أمرها وماشية في دربها

حاسبة كل خطواتها و بتحب بقلبها

 

تحسها أنتوكة بس هيا ولا همها

حاسبة حساباتها وبتبات ويا أحلامها

 

بتفكر لبكرة وعمرها ماتبص لورا

 

أحلامها قد الدنيا و عقلها يوزن بلد

يابختك لو اختارتك و كنت ليها الولد

 

هتحبك بقلبها وهتضمك من غير سبب

ولو يوم جيت عليها هتحس بالغرق