مراد فكري : أعمالي كلها ناجحة وسعيد بالعمل المسرحي
كتب.. محمد طه
مراد فكري فنان شاب أقتحم عالم الفن منذ فترة قصيرة قدم من خلالها مجموعة من الأعمال الفنية المتنوعة في الدراما التليفزيونية والسينما والمسرح ومن الأعمال التلفزيونية إبن حلال ومن الأعمال السينمائيه الألماني مع النجم محمد رمضان كما قدم عدد من الأعمال المسرحية كان آخرها وليس بآخر زقاق المدق.
وكان الحوار الصحفي كالتالي
حضرتك بتقدم في الوقت الحالي مسرحية زقاق المدق إزاي تم ترشيحك للدور؟
الدور جالي عن طريق دكتور عادل عبده ومحمد الصواف
كلمنا عن شخصيتك في المسرحية؟
طبعا زقاق المدق اتقدمت قبل كدة في أعمال سينمائية ومسرحية بلعب دور زيطة وهي الشخصية اللي تعتبر قريبة أو فيها ريحة الفنان توفيق الدقن .
مكنش عندك خوف أو قلق من المقارنة بين حضرتك وبين الفنان الكبير توفيق الدقن؟
مقلقتش خالص لأن مبحطش نفسي في مقارنة مع فنان كبير كدة ولا في مساحة للمقارنة لأني مش عامل توفيق الدقن .
إيه رأيك في كواليس العمل المسرحي؟
سعيد جدًا مع فريق العمل من الفنانين الكواليس جميلة كلها فرح وسعادة وحب بينا جميعًا .
هل بيكون عندك تحفظ على شغل المسرح أحيانا؟
بالعكس بحب شغل المسرح جدًا ودي مسرحية رقم خمسه اللي بقدمها كمان أنا دراستي فنون مسرحية في دي تخصصي وتربيت هنا في المسرح.
ليه بعض الفنانين بيقلقوا من الفن المسرحي؟
لأن المسرح إلتزام ومحتاج جهد وشغل كبير واتصال مباشر مع الجمهور .
حضرتك قدمت أعمال فنية متعددة متنوعة أيه العمل اللي كان فارق معاك في حياتك الفنية؟
الحمد لله كل أعمالي نقلة في حياتي لأني مبدخلش عمل مش مقتنع بيه فكل شغلي بنسبالي كويس.
إزاي ممكن تقدر تعرف نجاح العمل أو فشله؟
أولاً دي حاجه في إيد ربنا لكن ممكن نحكم على السيناريو والورق و الإنتاج ومدى توفير الخدمات التسويقية للعمل وكدة.
