حال الدنيا

وليه الحظ بيقاوح
وليه اصلا تكون ندمان
هتلقي ساعات امل طارح
بيكشف بكرة بلا احزان
يا ليل الصبر يا مطول علي العاشقين
انا العاشق لكن سارح بعشقي لفين؟
مافيش سكه بتبهرنا
خطاوينا ماليها انين
تلف بلاد
عنيك تايهه مابين نظرة رضا وعناد
وتسال ..مين
انا الفرحان لكن فرحه ومخلوطة بقلب حزين
وتلقي الخطوة محسوبه؟!!!
بتحسب ايه….دي دنيا ظروفها مقلوبه
كفاية حساب
ولاجل الحلم ما يبعد
نعيش فيها كما الاغراب
فهمت خلاص
واتاري عيونك التايهه بتتعلم حكاوي الناس
تصدق …..مين
حياتك فيها تشبهها… بانه كمين
كمين العمر بيعدي كانه سراب
ومش شايف امل وردي يعيشنا كما الاحباب
وبكرة تروق
وبعد العتمه دي فرحه في وقت شروق
معاذ الله يعشمنا ويتركنا مالينا الشوق
هتتعدل
مسير الضلمه تتبدل
ويجيي نهااااار
معاه الحلم يتحقق ويتصدق
واقول علي الدنيا دي ….ايوة بجد ….
عماااااااار
#محمد_عبدالعظيم
#الديوان_الثاني