ألوان السما السبعة
كتب /نانسي طه
وللمرة اللي معرفش بقت رقم كام….
وقعت في حبك من أول وجديد….
حسيت بفرحة محستهاش في ليلة عيد…
حبك أكبر من كلمة تتقال…
أكبر من حلم موجود في الخيال…
حبك واقع موجود..
أنا عايشه بيه وعليه وليه…
حبك زي الشمس بيدفيني..
حبك زي القمر بيسهرني في ليلي ويسليني..
حبك زي النجوم بتنور سما أحلامي..
حبك زي الورد بتعطرلي أيامي..
حبك زي الرمل لا يعد ولا يحصى..
حبك زي البحر لا ليه اول ولا آخر…
حبك زي الغروب…نهاية بداية يوم جديد
حبك زي الشروق..بداية نهاية اليوم اللي قبله..
حبك زي الصيف بيخلي نار الغيرة تحرقني..
حبك زي الشتا بيخلي البرد يلمس جسمي بس حبك يغطيني..
حبك زي الخريف ألوانه ملهاش وصف في جمالها..
حبك زي الربيع.. كله ورود.. كله جمال..كل أوراق شجر على الأرض مفروشه.. وأكنها ليا وأنا الملكة الي تمشي وهي حوليها…
حبك ملوش وصف..
ملوش معنى محدد في قاموس اللغه العربية..
حبك ملوش تفسير في كتب الفلسفة أو التعبير..
حبك ملوش موازين لا في العدل ولا الدواوين..
حبك أكبر من أي حاجه مكتوبة…
معروفة..
مدروسة…
حبك اتخلق من إيدين ربك…
حبك إتزرع في قلبي قبل ما أحبك..
حبك إنكتب لي أكون أنا المرزقة بيه..
حبك نعمة وأشكر ربي عليها ليوم الدين..
حبك أنا حبيته وحبيتك تاني من قبل ما أحبك…
حبك طاقة شمسيه لا تنفذ..
حبك جوهرة في البحر لا تطفو..
حبك في الظلام نور..
وفي الوحدة هنا وسرور..
حبك مش جماد لا ده كائن حي
بيتنفس
بيتحرك.
. بيشوف وبيسمع..
حبك بيتنفس من الهوا اللي بشمه
حبك بيتحرك في كامل جسمي من خلال دمي..
حبك بيشوف وبيسمع الكلام اللي من روحي طالع.. بيسمع كل الفرح والحزن اللي موجود
وبيشوفني وأنا في كل حالاتي..
جميلة أو لا أمت للجمال بأي صلة كانت..
حبك بيرويني وأنا عطشانه…
حبك بيحميني وأنا خايفه..
حبك بيضحكني وأنا حزينة..
حبك بيحببني فيك أكتر..
حبك سر وعلن..
حبك سر خوفاً من عيون الحساد
وعلن عشان معجزة من رب السموات…
حبك ده إيه يكون أصله!!
حبك قصيدة ملهاش كلام يليق بيها..
حبك ديوان شعر مش مفهوم..
حبك تفصيلة جوه فصل كتاب ملوش مفتاح…
حبك أكنه شئ موجود بس مش في الوجود…
حبك إحساس بيتحس وملوش وصف..
حبك لازم يدرس في تاريخ البشرية…
لأنه جميل..
لأنه عظيم..
لأنه حقيقي تاريخي..
مايتكررش غير مرة…
حبك ألوان السما السبعة…
ميختلفش عليها ناظر..
تبهر جميع خلق الله..
حتى الطيور تطير حواليها من البهجة..
حبك ملوش عنوان..
أكنه مخفي في حديقة سرية..
ما يملكش مفتاحها إلل إنسانة أنت تختارها..
أنا هي..
حبك غرام مدفون في قبر حياة جواه أكون..
حبك ده أجمل صدفة ممكن تكون…
حبك وطن..
جواه أعيش…
وأملك الجنسية ..
ولن أتنازل عنها لآخر عمري..
سأحيا فيك يا وطني.. وسأظل أخلص لك إلى حين تعلو روحي إلى السموات..
حبك وطن إتولدت فيه..
حبك وطن أنتمي ليه..
حبك فاق كل الكلمات..
حبك بداخلي روح تعيش في روحي..
أحبك يا وطني…