حبك حياة

بقلم:سلوى صبح

قلبي مِلْك اللي اشتراه
أخده أول ما لاقاه
حُبُه ليا طوق نجاة
حُبُه وهبني الحياة
قلبي ليله نهاره فاكِر
إن حُبك مبتغاة
وإن يوم عدى عليا
من غيرك يبقى شقاه
وإن حُبك الحياة
تدري كام غُصة عانيتها
ولا شفت جِراح آسيتها
واتبليت بالغربة بردة
جوة قلوب لاقيتها
قاسية من جوة وغريبة
كل حرف تحِسه ريبة
ضاعت منهم السكينة
شفت قلوبهم خرابة
ولا بيحسوا بالغلابة
اللي غُلب العِشْق صابهم
كانوا حواليهم دِيابة
لما حُبك جاني صدفة
أحلى صدفة-قمت واقفة
شد حيلي سندت ضهري
وقلت لي خليكي صلبة
داحنا عايشين وسط غابة
إيه اللي ممكن تاني يجرى
هي هي موتة واحدة
وصدقت قلبك ساعتها
شدِّيت عزيمتي ورحت طالبة
القوة من رب العِباد
قوة دبت في كل واد
اعترف لك من ساعتها
إن حبك للفؤاد
كان لقلبي أقوى زاد
وإرتضيت من الدنيا بيك
واهتديت بالقلب ليك
وقلت لك يا حبيبي حبك
عندي أغلى من الحياة
واتعلق عمري باسمك
وكنت ليا طوَّق نجاة.