أخبار الفن
ياسمين صبري: الحب بيجي بالعشرة والمعاملة
أميرة الشاذلي
كشفت الفنانة ياسمين صبري مراحل تطورها منذ طفولتها، فكانت من أسرة متوسطة الدخل، ودرست في مدارس حكومية ثم انتقلت من مدرسة إلى مدرسة مع تحسن الأوضاع مع والدتها وتطورهم مادياً.
قالت ياسمين صبري من خلال برنامج”Big Time Podcast” مع “عمرو أديب”المذاع على قناة mbc مصر يومياً في تمام الساعة الواحدة بعد منتصف الليل ” أنا زي أي بنت مصرية عاديه مكنش عندي واسطة واتخرجت من الجامعة ومامتي قالتلي هتشتغلي وتصرفي على نفسك.
وإستكملت”صبري” “أن أول وظيفة عملت بها بعد الجامعة كانت بمكتبة الأسكندرية علاقات عامة، وتركتها لأنني كنت أريد مرتب ودخل يعينني على شراء عربية، وبعد كده اشتغلت في الإتصالات واتثبت وقدرت أشتري العربية بالقسط مع البنك ونوعها رينو، وبعد سنة ونص مشوني وقالولي إنتي مش في المكان المناسب”
أضافت ياسمين صبري قائلة “الإنسان ككيان لازم يكون عنده أمل لبكره وأنا ست متحفظة في طريقتي وأسلوبي وكل شئ، أنا كياني يضيف لأي رجل أنا معاه كياني إضافة، وجزء من رسالتي إن الي اتعلمته لازم أعلمه لأطفالي، علشان يطلعوا أطفال سويين محبين للحياة وللناس، الست رسالة كبيرة أوي مش بس كعدد”
والى جانب ذلك ترى ياسمين صبري” إن البنت حمايتها أكثر من الولد، والست الحلوة لازم تراعي كويس جداً الي قدامها بيفكر فيها إزاي، والذكاء لازم يكون متساوي مع جمال المرآة أو يزيد، لأنها بتفيد نفسها في المقام الأول وبتفيد المجتمع بذكائها، الست دورها الراحة وتشوف فين نقط الضعف عند الراجل وتقويها، والزواج عمره ماكان بالجمال ولا الذكاء، الزواج نصيب، والحب بيجي بالعشرة والمعاملة مفيش حب من أول نظرة.
إتبعنا
