محمد فايز لـ رؤية وطن: “مكنتش متوقع التفاعل ده وأتمنى اشتغل مع الزعيم مرة أخرى”
حوار/ منار عبد الناصر
فنان متميز جدًا ومتنوع شارك في أكثر من عمل مسرحي، درامي وسينمائي وشارك أيضًا في الاعلانات التليفزيونية
لديه موهبة قوية ورصيد كبير من الأعمال، كما أنه حاصل على العديد من الورش التمثيلية التي استطاع من خلالها أن يتطور أكثر
كان له مشاركة فريدة من نوعها علي خشبة المسرح مع الفنان سامح حسين في مسرحية “حلم جميل” حيث ظهر بأكثر من كراكتر خلال المسرحية ولاقي تفاعل كبير من قِبل الجمهور
والجدير بالذكر أن مسرحية حلم جميل تم عرضها لأول مرة في المسرح العائم بمحافظة القاهرة، ومن ثمّ اتجه أبطالها للعرض في محافظات مصر المختلفة تحت رعاية “حياة كريمة” ونالت المسرحية نجاحا في الاقصر وقنا وطنطا وبورسعيد.
ولكم أهم الأعمال الأخرى التي شارك فيها الفنان ميدو فايز:
يا أنا يا إنتي، ريح المدام، خلصانة بشياكة، عمر ودياب، واكلينها والعة، ربع رومي، اللعبة والعديد من الأعمال السينمائية والدرامية والمسرحية المختلفة.
عرفنا بحضرتك في البداية؟
أنا اسمي محمد فايز نصر والشهرة ميدو فايز، ممثل.
هل شاركت في أعمال من قبل “حلم جميل” ؟
أنا شاركت في حاجات كتير قبل كده منها عروض مسرحية ومنها سينمائية ومنها دراما.
ايه رأيك في تفاعل الجمهور معاك؟
لا الحمدلله التفاعل كبير جدًا وأنا مكنتش متوقع التفاعل الكبير ده الحمدلله ده كرم من ربنا كبير حب الناس طبعا.
من خلال عرضكم للمسرحية لمدة خمس أيام متواصلين بقنا والأقصر هل بتحسوا بالملل أثناء العرض ؟ أو ازاي بتعرضوا بنفس الحماس والشغف ؟
لا هو ده تعود وده شغل الممثل إنه يحافظ علي الكراكتر اللي بيقدمه ويبقي بنفس الكواليتي اللي بيقدمها كل يوم ويكون كل يوم أحسن من اللي قبله
مينفعش أكون أقل من قبل كده
يعني لو غلطت في حاجة مثلا امبارح مينفعش أكررها تاني بكرة
فـ احنا اتعلمنا كده من المسرح
لازم يكون في سرعة بديهة عند الممثل وذكاء ويكون طالع بشكل يليق به.
كلمنا عن الفنان سامح حسين؟
بصراحة فنان جميل وأنا مبسوط جدا اني اشتغلت معاه كـ إنسان وفنان من الناس الجميلة اللي انا اشتغلت معاها واتمني أشتغل معاه تاني في حاجات مختلفة.
هل نفسك تجرب الدراما والسينما ولا حابب المسرح أكتر ؟
أنا بالفعل اشتغلت دراما وسينما.
إذن ماذا تفضل دراما أم مسرح؟
أنا بحب اكتر طبعًا السينما والدراما، السينما اكتر بصراحة.
مين الفنان اللي نفسك تقف أمامه غير سامح حسين؟
أنا اشتغلت مع الفنان عادل امام قبل كده وأتمنى اشتغل معاه تاني.
طيب هل في معايير بتختار على أساسها العمل اللي تشارك فيه ؟
المخرج اهم حاجة لانه بيتحمل نجاح أو فشل العمل ولازم اشوف تاريخه ونسبة نجاح أعماله
وفى النهاية التنوع مطلوب سواء مخرجين أو ممثلين
والورق اهم من كل ده.
مراجعة مادونا عادل عدلي
إقرأ أيضا:
عماد ثابت لـ رؤية وطن.. “العمل مع الفنانة يسرا والمخرج عمرو عرفة كان من احلامي “
