كيان المصريون الشباب ودوره في التطوير من مهارات الشباب وقدراتهم

كيان المصريون الشباب ودوره في التطوير من مهارات الشباب وقدراتهم

كتبت : منار رشاد

وفقاً لتوجيهات فخامة الرئيس عبد الفتاح السيسي رئيس الجمهورية وكافة مؤسسات الدولة المصرية لدعم الشباب والأفكار الشبابية ،وبناء كوادر شبابية قادرة على العطاء والبناء لمصرنا العظمي ، وتحقيقاً لرؤية مصر 2030، وفقاً لتلك التوجهات تم تأسيس كيان المصريون الشباب لدعم وتمكين الشباب وتأهيلهم اقتصادياً تحت شعار معاً نحو مستقبل أفضل، ويعتبر كيان المصريون الشباب أول كيان شبابي يهدف إلى دعم الشباب اقتصادياً، و يهتم الكيان بدعم وتطوير مهارات وقدرات الشباب من أجل أن يكونوا قدوة يحتذى بهم من باقى الشباب، ويعتبر تلك الكيان جسراً للتواصل بين وزارة الشباب والرياضة وبين شباب مصر من مختلف محافظات الجمهورية.

ماهو الهدف من تأسيس كيان المصريون الشباب ؟
قال رئيس كيان استاذ محمد متولى :كيان “المصريون الشباب” اتأسس علشان يكون صوت حقيقي وفعّال للشباب المصري في كل المحافظات، مش بس في العاصمة، هدفنا الأساسي هو تمكين الشباب وخلق مساحات آمنة للتعبير والتدريب والمشاركة المجتمعية والسياسية، وده من خلال فعاليات، تدريبات، حملات توعوية، ومبادرات واقعية على الأرض، الكيان بيضم شباب من خلفيات مختلفة، لكنه موحّد برؤية وطنية واحدة وهي: “شباب واعي.. مبادر.. قادر على التغيير” وكان شعارنا معا نحو مستقبل افضل من اول سيزون.

ماهي المشاكل والتحديات التى واجهت الكيان أثناء تأسيسه؟

أشار أستاذ محمد : أن أى فكرة جديدة بيكون فيها تحديات أكبر تحدي واجهناه هو إزاي نوصل لفئات متنوعة من الشباب في المحافظات، ونخلق ثقة حقيقية بينهم وبين الكيان كمان إداريًا،و التنسيق بين فرق كتير على مستوى الجمهورية كان محتاج تنظيم دقيق وهيكلة واضحة، لكن بالإرادة والإيمان بالفكرة، قدرنا نتجاوز ده خطوة بخطوة مع زيادة ثقة الشباب في الكيان، وتوفير تدريباتهم وبنزولهم فعاليات الوزارة ومشاركاتهم بالفعاليات الرئاسية زاد حبهم وولائهم للكيان.

ما الهدف من السيزون الاول والثانى من كيان المصريون الشباب ؟

وقال أستاذ محمد : أن سيزون الأول كان هدفه الأساسي التأسيس وبناء الهوية، نعرّف الناس بالكيان ونمد الجذور في المحافظات ، الحمد لله وصلنا لكل محافظات الجمهورية،
سيزون 2 كان هدفه الانتشار والتأثير، وبدأنا ننفذ فعاليات مركزية ونرفع من كفاءة الكوادر، ونوسع قاعدة المشاركة، نقدر نقول إن الهدف اتحقق بنسبة كبيرة جدًا، والدليل على كده الحضور والتفاعل اللي شفناه من الشباب في كل فعالية ووصل أعداد التطوع في السيزون الثالث لأكثر من ٢٠ الف متطوع.

وأكد على أنهم استطاعوا أن يحققوا الهدف من إنشاء الكيان، وقال إحنا الحمد لله مكملين في الطريق اللي رسمناه ، لكن نقدر نقول إننا قطعنا شوط كبير جداً ، الكيان أثبت وجوده على الأرض بآلاف المتطوعين بكل محافظات مصر، وصوت الشباب فيه بقى مسموع. قدرنا نوصل لقطاعات واسعة، ونخلق حالة حوار حقيقية حوالين قضايا الشباب والتنمية. وده في حد ذاته إنجاز بيخلينا نكمل بثقة وقربنا دائرة التواصل بين الشباب وصانعي القرار والمسئولين بالدولة.

ابرز أراء البورد والاعضاء في الكيان؟

استاذ أحمد السيد مساعد رئيس كيان
وقال أحمد السيد مساعد رئيس كيان: أن العمل التطوعي يساعد الفرد على اكتشاف مهاراته وخبراته، فبفضل العمل التطوعي استطاع أن يدير وقته وينفذ فعاليات الذى يفكر في فيها وليس مجرد تفكير فقط.

وأشار أن وظيفة البورد والعضو لايوجد بينهم اختلاف شاسع بل أن البورد يمتلك الخبرة الكافيه التي تهيئه الإدارة، فالبورد يكلف العضو بمهمه معينه وليس تشريف.

وأضاف أن أهم أنشطة وفعالية السيزون الثاني هي مبادرة إلى بتدعم الدولة المصرية ومبادرة ايبت سوت التي تعمل على زيادة الوعي الاثري.

وقال أن أهم وظائفى كمساعد رئيس كيان للشئون الإدارية والتنظيميه أى شغل في كيان له علاقة بالإدارة والتنظيم كانت بتكون تحت إشرافي وتوجيهى ، دور رئيس كيان أنه يوجه وانا اتابع الفعاليات وكيفيه تنفيذها.

وقال أنه يتم تحضير الانترفيوهات من خلال عمل خطة عن طريق الإدارة المركزية للكيان وتوزيعها على جميع محافظات تحت إشراف منسق ونائب منسق المحافظة بالمتابعه مع الإدارة المركزية للكيان ، مع تحضير اسئلة الانترفيوهات مع hr مركزى مع توزيع مهام كل لجنة.

وختم احمد كلامه بتوجيه نصيحه للشباب أن اى حد من شباب ناقصه اى مهاره يقدر ينميها ويطورها أثناء مرحلة كليه سواء بالكورسات و العمل التطوعي، وأن فكرة العمل التطوعي أصبحت منتشرة بشكل كبير ، فيعد هذا بمثابه حافز قوى يخلينى اطور من نفسي أكثر في العمل تطوعي كمان لأن عدد المتطوعين زاد.

استاذ محمد فايد منسق قطاع الدلتا

وقال محمد فايد منسق قطاع الدلتا : بدأت في كيان من سيزون الاول لما كنت متطوع كعضو في لجنة التنظيم ، من ثم أصبحت هيد لجنة hr لمدة نص سيزون ثم أصبحت منسق محافظة ثم منسق قطاع الدلتا.

وأشار أن وظيفة البورد تختلف عن وظيفة العضو، حيث أن البورد هو القدوة للعضو ، وظيفة البورد ليست وظيفة سهلة لكن محتاجه صفات شخصيه معينه مثل أن يكون قيادى وملتزم وصاحب قرار لكي يستطيع أن يتخذ قرارات في صالح الكيان.

وقال وظيفتى كمنسق لقطاع الدلتا بكون مسئول عن 3 محافظات، الشئون الداخلية والخارجية الخاصه بهم ، ودعم وتقديم النصائح لجميع أعضاء المحافظات سواء أعضاء وبورد و متابعة وتقييم الاعضاء.

وأضاف أنه استفاد خبرات كثيره من كيان مثل التنظيم حيث أنه نظم مؤتمرات كتير و أنه لما تولى إدارة لجنة hr تعلم كثير عن مجال hr وتعلمت كيفية استخدام برامج اوفيس ، ومن ولما أصبحت منسق محافظة تعلمت كيفية أكون محاضر وكيفية شرح ، وأصبحت شخص اجتماعي وتعلمت كيفية إدارة الأزمات وشغل تحت ضغط.

وأشار أن تم تنظيم الانترفيوهات السيزون الجديد ، في البداية بدأت اوزع الأدوار في كل محافظة على كل لجنة ، وصلنا الأعداد المطلوبة من الانترفيوهات في كل محافظات.

وقال فايد بإن هدفنا في السيزون الثالث هو التعلم من الأخطاء السابقة، وختم كلامه بتوجيه نصيحه للشباب استغل وجودك في مكان ، وأن التطوع في سن الجامعه مهم جداً لأنه بينمي مهارات وبيزود من خبرات الشباب.

استاذه مريم نداء منسق محافظة الإسكندرية

وقالت مريم نداء منسق محافظة الإسكندرية ، بدأت كميمبر عادى في لجنه ميديا ثم أصبحت مسئولة في لجنة ميديا وثم أصبحت نائب منسق سيزون الفات، وحالياً أنا منسق محافظة الإسكندرية.

وأشارت أن وظيفة الميمبر تختلف عن وظيفه البورد ، البورد بيوجه ميمبر وبيكون مسئول عنهم و متابعة شغلهم ، وبتكون مسئوليته اكبر من الميمبر.

وأكدت مريم أن دخولها الكيان غير الكثير في شخصيتها ، وأن دورها كمنسق محافظة يجب أن تكون قد المسئولية دايماً ، وتقدر أن تفيد المكان وتطور منه دايماً الاحسن ، واسمع البورد وليدر والاعضاء ، وأشوف احتياجاتهم وأحاول اوفرهلهم بيئه عمل كويسه.

وقالت مريم أنها استفادت من كيان أنها أصبحت بتعرف تتكلم قدام ناس من غير خوف أو رهاب اجتماعي، وأصبحت بشرح سيشن واتعامل مع فئة اكبر من إلى بتعامل معاها و تعلمت كيفيه حل مشاكل طارئة.

وأضافت أن أهم جزء ركزت عليه في انترفيوهات السيزون الثالث هي النظام و فيدباك عن الانترفيوهات من الناس إلى داخله جديد تكون كويسه وتم ذلك بتنسيق مع البورد ، قسمت اماكن الانترفيوهات على 3 أماكن مختلفة للشباب عشان ميكونش في مسافات بعيدة عنهم ، ونظمت مع لجنة or تنظيم الاماكن من حيث مكان الانترفيوهات ، ومكان لتسجيل دخول الحاضرين الانترفيو ، وصلنا العدد المطلوب من الانترفيوهات في اسكندريه ، وتم تنظيم تنظيم دورة تدريب اسعافات أولية بتنسيق مع مشروع save التابع لكليه طب ونجحت الدورة.

وختمت مريم كلامها أن الهدف من السيزون الثالث هو انى اترك اثر في الشباب ، وأن الشباب كلها تطلع مستفاده من كيان المصريون الشباب وفعلاً يكون سيزون مختلف، وحابه انى أوجه للشباب نصيحه أن يكون عندهم شغف ويحطه قدامهم هدف يوصلولوا في اخر الموسم ، ويطالبوا بالاشياء إلى حابين يتعلومها ، ميكونش حابين يعملوا صحاب أو يستمعوا بكيان بس

استاذ اسر جمال نائب منسق محافظة الإسكندرية

وقال اسر جمال نائب منسق المحافظة : أن تجربته في كيان كانت مليئة بالمغامرات وأن البورد في كيان محترمين جداً، واتريقت البورد بسبب شغلى على نفسي في التاسكات، وأنى بخلص تاسكات أول بأول.

وأشار اسر أن وظيفة البورد بتكون مختلفه عن وظيفة العضو تماماً ، لان بورد بيكون تحت ضغط في التاسكات بشكل دائم ، بجانب المسؤولية على عكس العضو ، البورد بيكون مسئول عن الاعضاء وبيحاول يحل مشاكل الناس.

وقال اسر أن أهم وظائفه كنائب منسق المحافظة هو الاهتمام بهيكله كل اللجان ومتابعه وإشراف شغل الكيان ، ومساعده ودعم الاعضاء إلى معايا.

وقال أنه اكتسب مهارات وخبرات كتير من خلال التعامل مع الناس مثل مهارة التواصل والتقديم، وفكرة انى اكون بورد مليئة بالخبرات مثل انى اتعود ازاى اعمل انترفيو واشتغل على شيتات التقييم واكتب تقرير .

وأشار أن فترة تحضير الانترفيوهات كانت فترة صعبة وليس عليه فقط بل على كيان كله ، فمنسق أو نائب المحافظة وظيفة متابعة شغل كل اللجان في نفس الوقت وكل لجنة تكلفها بتاسك معين، ولكنهم استطاعوا أن يواجهوا جميع المشاكل والتحديات ويوصلوا للعدد المطلوب من الانترفيوهات.

وأضاف أن الهدف من السيزون الثالث تقدير أعضاء الكيان و توجيه كافة الافادة لهم و هدفي انى اطلع الشباب من السيزون مستفيدين من الكيان.

وختم اسر كلامه بتوجيه نصيحه للشباب وهي أن يفيد نفسه في الوقت الحالى، ويشتغل على نفسه ويكتسب مهارات وخبرات جديدة، ويستغل الطاقة إلى جواه في تطوير نفسه بدل من أن يستغلها في لعب وتضييع الوقت.

استاذ محمد تامر هيد لجنة التنظيم:

وقال محمد : بصراحة الرحلة دي فرقت معايا جدًا، بدأت كعضو كنت مش فاهم كل حاجة قوي بس كنت بحاول أتعلم وأشتغل على نفسي، كنت بنزل كل التدريبات والايفنتات وبحاول أكون موجود ، ومع الوقت حسيت إني بقيت جاهز أشيل مسئولية أكثر، لما بقيت هيد حسیت بفرق كبير في طريقة التفكير والتعامل، بقيت ببص على الصورة الكبيرة وبفكر في التيم قبل أي حاجة.

وأكد أن في فرق كبير ما بين البورد والعضو:

وقال أن طبعاً في فرق كبير،العضو مطلوب منه يتعلم ويشتغل على مهاراته لكن البورد لازم يكون شايف كل حاجة وبيفكر في التيم ككل،البورد مش بس بينفذ لأ هو اللي بيخطط ويتابع ويحاول يحل المشاكل قبل ما تحصل

وأكد أن طبعاً في فرق كبير ما بين العضو والبورد، العضو مطلوب منه يتعلم ويشتغل على مهاراته لكن البورد لازم يكون شايف كل حاجة وبيفكر في التيم ككل،البورد مش بس بينفذ لأ هو اللي بيخطط ويتابع ويحاول يحل المشاكل قبل ما تحصل.

وقال أن أهم وظائفه كهيد لجنه التنظيم : أنا مسئوليتي إن كل شغل يكون منظم يعني مين نازل مين شغال ومين لا، أنا بحب أكون موجود في التفاصيل وأتابع كل حاجة لأن الـ OR هو اللي بيخلي الدنيا تتحرك،إحنا اللي بنظبط الحضور ننزل نتابع الشغل نعرف مين بيشتغل وإزاي ونظبط اللوجستيات،باختصار إحنا ورا الكواليس بس من غيرنا مفيش عرض بيكمل.

وأكد أن الكيان غير من شخصياتي بشكر أكبر اتعلمت إني أسمع أكثر ، أبص للصورة الأكبر بقيت بحب التفاصيل وبتعامل مع الناس بمرونة أكثر.

وقال أن الكيان ساعدني أشتغل على شخصيتي ،ولما بقيت بورد حسيت فعلاً إن كل خطوة كنت بشتغل عليها فرقت في اللي أنا فيه دلوقتي.

وأضاف أن نحضر الانترفيوهات، بدأنا نحضر من بدري عملنا بلان واضحة وقسمنا الناس واشتغلنا كفريق كنت حريص إن كل حد في التيم يبقى فاهم دوره وكنا بنتابع بعض أول بأول والحمد لله اليوم مشي زي ما خططنا بالضبط ويمكن احسن كمان.

وختم محمد كلامه:بتوجيه نصيحه للشباب :خد فرصتك بجد وحاول تبان بس مش بأي طريقة اشتغل على نفسك خليك موجود واسأل وقدم مساعدة حتى لو بسيطة الدنيا بتتغير لما تكون حقيقي ومحدش بيكسب غير اللي بيجرب ويغلط ويتعلم.

ياسين فايس لجنة التنظيم : 

وقال ياسين نداء فايس لجنة التنظيم ، انا موجود في الكيان من سيزون الاول وصراحه مكنتش عارف مهام لجنة التنظيم بشكل كافى و مع الوقت في الكيان أصبحت ليدر لجنة تنظيم وحالياً أنا من البورد.

وأشار ياسين أنه كمل في كيان المصريون بسبب أن شعر أن أفراد الكيان ليس مجرد أعضاء بل هم عيله.

وقال ياسين أن أهم وظائفه كفايس لجنة التنظيم هي أنى اعلم وأفيد الشباب واجعلهم أشخاص قيادين.

وأضاف أن لجنة التنظيم هي نبض المكان لأن أى فعاليه بتحصل في الكيان بتكون مسئولية لجنة التنظيم.

وقال أن كيان غير الكثير من شخصيته فأصبح شخص قيادى بيعرف يهندل الأمور واثق من نفسه جداً ، وبيعرف يتكلم ويتعامل مع الناس.

وقال ياسين أنه ركز في الانترفيوهات على عدم اختيار ناس بسبب خبراتهم ومهاراتهم في لجنة تنظيم ، بل على اختيار الأفراد بناءاً على قابليه التعلم وأن يكون شخص قيادى.

وختم ياسين كلامه بتوجيه نصيحه للشباب أن مجال التطوع مش بيغير حياتك بس بل بيغير طريقه تفكيرك وأسلوبك، وبيجعلك شخص قيادى وبتعرف تتعامل مع الناس أكثر.

مروان محمد ليدر لجنة HR

وقال مروان محمد ليدر لجنة HR : انا عرفت كيان المصريون الشباب من صحابي هما إلى شجعونى إنى اقدم في الكيان وعرفته كمان من فيديوهات التيك توك وصفحة الفيس بتاعتهم.

وأشار مروان : أنه موجود في الكيان من حوالى 5 شهور وأنه شارك فى إعداد القادة الخاص بكيان واكتسب وتعلم مهارات أكثر في مجال hr ، واستفاد من البورد الى في كيان كثير سواء في تنظيم أو مجال HR.

وختم كلامه أن شخصيته اتغيرت كثيراً بعد دخوله كيان واكتشف مهارات واكتسب خبرات جديدة بعد دخوله الكيان، واستطاع أن يتعامل مع الناس بطريقة أفضل.

رانا محمد لجنة HR:

عرفت EYE من صحابي اللى كانوا موجودين معاكم قبلى

بقالى في الكيان سنة كامله من سيزون 2 ومكمله حتى بعده مش حابه اطلع من كيان.

وأكدت رانا أن حقيقي كانت تجربة حلوة اوى اتعلمت منها كتير أولهم انى كونت كتير صداقات واتغليت على الرهاب الاجتماعي وعرفت ازاى اكون HR كويسه بعد ما كانت خبرتي فيها قليله عرفت ازاي اقعد قدام شخص من غير ما اكون متوتره وانا اللي اعمله الانترفيو وكمان طورت من مهارات التواصل، وأنا استفدت من كيان واكتسبت مهارات وخبرات كتير.

وأضافت أن هي استفدت كتير ، معظم سلوكياتي اتغيرت التوتر اللي كان موجود عندي، حالياً مش موجود ،والرهاب الاجتماعى اللي عندي اختفي حالياً ،وكمان عرفت ازاي اكونHR جاهز للشغل في اي مؤسسه.

عماد حمدى ليدر لجنة HR:

أنا عماد حمدي منسق لجنة ال HR،عرفت الكيان من صفحة الفيس بوك ساعة إعلان فتح فورم التقديم،

تجربتي في الكيان لحد دلوقتي والناس الي اتعاملت معاها جوا ممتازة ، وفعلاً بدأت اني أحقق الهدف الي أنا داخل علشانه، وهو اني أحاول أطبق دراستي في كلية التجارة في الواقع في مشاريع حقيقية وبالذات في جزء ال hr انا درسته في الكلية وبقي دلوقتي عندي الفرصة اني أطبق الي اتعلمته في الحقيقة.

وأضاف انه طبعاً إستفدت كثير علي المستوي الشخصي وخبرة التعامل مع الشخصيات المختلفة الي اكتسبتها لما دخلت دا غير المعلومات المتخصصة في الموارد البشرية و ورش العمل الي بتتعمل ،و اكتسبت خبرة ومعلومات كويسه عن مجال الموارد البشرية اكترلما نزلت أعمل interview للأعضاء الجدد وكانت التجربة تحفة وفادتني جداً.

ترنيم تامر ليدر لجنة التنظيم

قالت ترنيم :عرفت كيان من اختي كانت موجوده في ، أناموجوده في الكيان من حوالى سنه ،تجربتى في الكيان تجربه كويسه اتعلمت منها كتير،استفدت كتير اوي وبقيت اتعامل مع الناس عادي من غير خوف ومبقتش اتوتر زي الاول وكَوّنت صحاب كتير .

مريم فتحى ليدر لجنة التنظيم :

قالت مريم :

عرفت الكيان من بنوتة كانت بتدرب عند مامتي في الشركة،موجوده في الكيان من حوالى سنه ،تجربة لذيذة متحمستش في الاول خاصة اني كنت حابة أتفرغ للكشافة بس لكن مع الوقت ، عملت صحاب هناك اتشجعنا ننزل و نحضر بعدها حسيت أنه فيه تطوير ذات اقدر استفاد منه

استفدت كتير لان بالرغم من أنى في التطوع من حوالي 8 ل 9 سنين الا أن كل مكان بيحافظ على لون مختلف و عرفت الاقي لون الكيان هنا ،و حابه اختصر الاستفادة الى استفدتها من كيان في جمله ، أنه كيان لطيف و جميل و محافظ على مبادئ كويسة و خاصة الناس الموجودة طريقتهم في محاولة جعل الكيان نمبر 1 خليتنى افكر أن الكيان بيتي اللي هحب انا كمان اتطوره و ارفعه و أحافظ عليه.

محمد حسام ليدر لجنة الميديا:

قال محمد حسام :

عرفت كيان من صحابي ، موجود في الكيان من حوالى خمس شهور من سيزون 2، ودخولى الكيان أكثر تجربه مبسوط بيها حالياً ، بسبب أنى اتعرفت على شباب أكبر منى وشباب في سنى، وكونت علاقات واتعرفت على ناس جديده ، وكمان الكيان بيساعدنا في أن إلى عنده أفكار يقدر يطبقها على أرض الواقع بكل سهوله، وبيختاروا الكفئات أنهم يكونوا بورد معاهم.

وأضاف محمد :أنه استفاد لانه يمتلك خبرات في مجال الميديا ، ففكرة انى دخلت الكيان وانا امتلك تلك الخبرات زودت من خبراتى أكثر في مجال الميديا ،وكمان فدت شباب لجنتى بالخبرات إلى بملكها ، وكسرت الرهاب الاجتماعي والخوف من التعامل مع الناس ، وبقيت بعرف اتعامل مع الناس أكثر.

زينب خالد عضو لجنة HR:

وقالت زينب عرفت الكيان من صحابي و النت الناس كلها عرفاه كمان ده كيان تطوعي فا بيبقي مهم جداً في ال cv و بيعرفك علي ناس اكتر، و أنا دخلت الكيان من حوالى 7 شهور.

وقالت أن تجربة كانت ممتازه واكتسبت خبرات كتير في مجال الموارد البشرية و اتعرفت علي ناس كتير و اتعاملت مع ناس اكثر نزلت عملت انترفيو لأكثر من شخص ، اشتغلت في ضغط شغل و عرفت ازاى اتأقلم.

وأضافت أكيد طبعاً استفدت كتير، و طورت كثير من تفكيرى والتعامل مع الناس.

في نهاية التقرير، فإن العمل التطوعي للشباب مهم جداً، فيجب على الشباب أن يناموا ويطوروا من مهاراتهم بدخولهم الكيانات التطوعية والكيانات الشبابية ، لأن فترة جامعه أهم وقت لكى تطور من مهاراتك وقدراتك واعداد cv الخاص بك ، لكى ترتاح بعد التخرج.