الدكتورة سعاد صالح: في المناسبات الدينية الفلوس بتظهر
مادونا عادل عدلي
علقت الدكتورة سعاد صالح استاذ الفقه المقارن بجامعة الازهر على الشهوة في المناسابات الدينية واعمال السحر قائلة:
“الأكل الكتير في المناسبات الدينية تعتبر شراهة وبستغرب الاسعار بتغلى ولما المناسبات بتيجي الفلوس بتظهر وشهر رمضان لكسر حدة الشهوة لان الصوم وقاية من الوقوع في المحذورات، وربنا قال لعلكم تتقون، ونمشي على ادنا ياريت، وفيه فرق بين صوم مبرور وصوم مقبول، اللي بيعمل كده صومه مقبول، اما االلي بيتحكم في الشهوات صومه مبرور، واجره عند الله افضل”.
وقالت الدكتورة سعاد صالح، خلال استضافتها ببرنامج “أسرار” مع الإعلامية أميرة بدر المذاع على قناة النهار: “الاعمال والسحر موجودين لكن مش تخصصي لان تخصصي فقه اما ده يتعلق بالعقيدة، وفيه فنانين بتروح مخصوص تعمل سحر وشعوذة، وده مش كفر لكنه معصية، مش لدرجة الكفر، وده يؤدي للوقوع في المعصية، وربنا نهى عنه، ويجب ان يكون فيه دور لعلماء الدين لمحاربة هذه الخرافات، لانه يترتب عليها تأثيرات لا اخلاقية، يعني اي بنت لما تتاخر في الزواج وتيجي تروح لشيخ، ويروح يخدرها وياخد شهوته منها، وده بيجيلي كتير حالات زي دي”.
برنامج “أسرار” تقدمه الإعلامية أميرة بدر على شاشة النهار يومياً خلال شهر رمضان، في الساعة التاسعة والنصف مساءً، تستضيف من خلاله عدد من نجوم الفن والرياضة والسياسة في مصر.
