بسنت أبو باشا: مش عايزه أبقى مشهورة لكن بحب التمثيل
كتبت : أميرة الشاذلي
كشفت الفنانة بسنت أبو باشا عن عملها قبل التمثيل، حيث كانت راقصة باليه وعملت بالمسرحيات والإستعراضات، وأول ظهورها كان مع الفنان تامر حسني في كليب “كفياك أعذار”
قالت” أبو باشا” خلال برنامج”عيش صباحك” المذاع على راديو”نجوم إف إم” : “بحب المسلسلات الخيالية والتاريخية وطول عمري نفسي أشارك في حاجة زي مسلسل الحشاشين، ونفسي أعمل فوازير، كنت بنبهر بالديكور بتاع المسلسل والملابس والكواليس كانت هاديه جدا وده كان بيساعدنا على التركيز في العمل”
استكملت”مبحبش مواقع التواصل الإجتماعي لكن مضطره أتابعها علشان الشغل ولأن ده أصبح أساسي في حياتنا كلنا، أنا مش عايزه ابقى مشهورة لكن بحب التمثيل، وبستمتع وانا بعمل حاجة بحبها”
يذكر أن مسلسل الحشاشين من بطولة كريم عبدالعزيز، فتحى عبدالوهاب، ميرنا نور الدين، أحمد عيد، إسلام جمال، بيقولا معوض، سامي الشيخ، ميمي جمال، عمر الشناوي، نور إيهاب، سوزان نجم الدين، نور محمود، بسنت أبو باشا وغيرهم من الفنانين ضيوف الشرف، ومن تأليف عبدالرحيم كمال وإخراج بيتر ميمي
