حسان العربي: اتمنى التعاون في عمل فني مع الزعيم عادل امام
حوار: محمد طه
حسان العربي فنان مصري شارك في عدة أعمال فنية متعددة متنوعه لكنها ذو طبع خاص بصفتها صغيرة الدور في العمل لكنها تترك بصمة لدى الجماهير ومن أعماله طباخ الريس، ست كوم راجل وست ستات، وعلى جنب ياسطى.
وجاء نص الحوار كالتالي:
حضرتك بتقدم دور في مسرحية زقاق المدق على مسرح البالون إزاي تم اختيارك للدور؟
قدمت قبل أعمال فنية مسرحية فالمسرح كشغل مش غريب عليا دكتور عادل عبده كلمني وقاللي دور وتفاصيله فعجبني ووافقت
بتسعتد للشخصية على طريقتك إزاي؟
بعيش الشخصية وكأنها حقيقة على أرض الواقع بدرس أبعادها بعيشها بشوفها بتعمل إيه، بتخليها من كل النواحي عشان تطلع في العمل بشكل كويس
كواليس العمل المسرحي في زقاق المدق؟
من أفضل الكواليس كلنا أخوات وفريق واحد والحب للفريق سبب من أسباب نجاح العمل
عمل فني مبسوط أن حضرتك قدمته؟
بالنسبه للمسرح الجوز واللوز، أما السينما على جنب ياسطى طباخ الريس، التلفزيون ريا وسكينة
هل في شخصية فنية قدمتها وكانت قريبة من حضرتك على أرض الواقع؟
بصراحة لغاية دلوقتي مفيش شخصيه فنية قدمتها قريبة مني
ممثل مصري حضرتك تتمنى تتعاون معه في عمل ؟
اتمنى اشتغل طبعًا مع الزعيم عادل امام
عمل فني قديم قولت اتمني اشارك فيه وأقدم دور هذا الممثل؟
بحب جدًا فيلم السفيرة عزيزة بطولة الفنانة الراحلة سعاد حسني وكنت حابب دور الفنان عبد المنعم إبراهيم جدًا لأنه قدم شخصية تميل للإتزان
