تعرف على القصة الكاملة وراء تصدر شريف منير التريند
كتبت-فرح محمد محمود
تصدر الفنان شريف منير محركات البحث في جوجل، وذلك بعدما نشرت زوجته الفنانة لورا عماد فيديو له هو وبناتها فى إحدى المطاعم وبجواره امرأة أخرى، وقامت بتوجيه رسالة شديد لابنتيها فريدة وكاميليا، على صفحتها الرسمية بموقع الفيديوهات والصور “إنستجرام”.
وعلقت لورا على الفيديو قائلة:
“رسالة إلى بناتي (فريدة وكاميليا).. بما إنكم خلاص قررتوا تبقوا مش في حياتي بعد ما اديتكم عمري وصحتي و حبي واهتمامي وضحيت عشانكم كتير!! وكل مدارسكم بمدرسينكم، بدكاترتكم بأصحابكم، بأمهات أصحابكم يشهدوا بإن أنا كنت أم عاملة إزاي”
وأضافت لورا:
“بقولكم مبروك عليكم عيلتكم الجديدة، وهقولكم حاجة واحدة بس، اللي مالوش خير في امه ملوش خير في حد، بتمنالكم كل خير وصحة وإن ربنا يهديكم في يوم من الأيام، بس ربنا موجود وكبير قادر على اللي عمل فيكم كده إنه يرده ليه في يوم من الأيام، مامي لورا يمكن تكونوا نسيتوا اسمي”
وقام الفنان شريف منير بالرد على ذلك الهجوم من قبل زوجته فى تصريحات صحفية، قائلًا: “دي خلافات عائلية وأنا مش هتكلم فيها”.
وحرصت كاميليا على الرد على رسالة والدتها قائلة:
“عمرنا ما بعدنا عنك، وغير كده أنا كنت لسه قاعدة معاكي امبارح ومكنتش عارفة إنك بتفكري في كده”
كما ردت فريدة على رسالة والدتها “
ليه بتعملي كده؟ ليه بتخلي شكلنا كده قدام الناس؟”.
وقالت لورا عماد لابنتيها:
“أنتم عارفين كويس أوي إني بشحتكم وبتهربوا مني، ربنا موجود ويهديكم من الزن اللي على ودانكم”.
والجدير بالذكر كانت قد تداولت اخبار عن خلاف شريف منير وابنته أسما عبر مواقع التواصل الاجتماعي خلال الأيام الماضية، وذلك بعد أن قام الفنان بإلغاء متابعة ابنته على موقع “إنستجرام”، وردت عليه أسما بإلغاء متابعته على نفس الموقع أيضًا.
