بعد اختياره في الاختيار محمد البياع يوجه رسالة قوية عبر الفيسبوك

كتبت مادونا عادل عدلي

اعلن الفنان محمد البياع أمس عن مشاركته في المسلسل الوطنى الاختيار الجزء الثالث والذي يعرض في رمضان المقبل

وبعد ذلك نشر الفنان صورة عبر حسابه الشخصي على موقع التواصل الاجتماعي فيسبوك وعلق عليها قائلًا

“البوست الطويل ده مخصوص لكل شخص هناني وفرحني وفرح لخبر إنضمامي لمسلسل الإختيار٣ وعشان منساش حد قررت أكتب بوست حقيقي، في حب أهل بيتى اللي واقفين في ظهري وتعبانين معايا طول الوقت، لأقاربي اللي ببقى سعيد بالمسانده اللي بتوصلنى منهم وبفخرهم بيا، لأصدقائي اللي معايا واثقين في موهبتى، لأساتذتي اللي إتعلمت منهم على جميع المستويات، لزملاء في الوسط الفني اللي فيهم كتير في مقام الاخوات ، فنانين حقيقي بتمنى يجمعنى بيهم شغل لمتعتهم في التمثيل، وأخلاقهم العالية جدا بالمباركة اللي حقيقي مفرحانى لصدق الفرحه والحب منهم، حب لتلاميذ بعلمهم بكل حب وإخلاص، حاسس بفرحتهم لأستاذهم..

كل الحب والشكر لكل كاستنج دايركتور وثق فيا ورشحنى في عمل ومخذلتوش وساهم إن يكون سبب ظهوري أكتر للناس…

الشكر الحقيقي للجمهور البسيط اللي مشجعنى ومتابعنى وبيدعمنى طول الوقت، حقيقي بسببكم بحس انى ماشي صح وبختار صح كل الحب والتقدير ليكم..

الشكر والعرفان الحقيقي للرجل الوحيد اللي كان ومازال مثلي الأعلى في كل شئ من حب وعطاء وضمير وأخلاق ومهما هقول مش هياخد حقه أبدا،
الإنسان ده غاب ومشي وسبنى طول الوقت فرحتى ناقصه هو حبيبي ابويا الله يرحمه، اللي عايزه مطمن إن إبنه الوحيد هيفضل مشرفه ورافع إسمه..

محمد_البياع Mohamed_Elbayaa