حورية فرغلي: “أجريت 17 عملية وكل اللي حواليا سابوني بس ربنا وقف جمبي”

 

ثريا الصاوي

 

كشفت الفنانة حورية فرغلي عن معاناتها في السنوات الماضية من خلال برنامج “كلمة أخيرة” المذاع على قناة ON مع الإعلامية لميس الحديدي مساء أمس الأحد.

 

وقالت: ” عملت 17 عملية جراحية لعلاج ما تعرضت له وعشت أسوأ خمس سنين في حياتي الماضية، بس كان عندي إرادة وعدم اليأس قوية، ووقفت على رجلي من تاني”.

 

تابعت حورية : “ربنا وقف جمبي ومنحني دفعة أنني لم أنته بعد، اللى اتغير فىَّ أن لو لسه حد بيتنمر عليا، مبقتش بزعل زي زمان”.

 

وأضافت: “لا أشعر بالندم على أي عمل قدمته سواء طلق صناعي أو فيديو كول أو القشاش أو أفلامي مع محمد رمضان و ساحرة الجنوب”.

 

وأوضحت: “كل الهليلة اللي كانت حواليا اختفت بمجرد سقوطى سواء اللي عاشروني 10 أو 15 سنة ومن ساعدتهم على الزواج ووقفت بجوارهم كلهم اختفوا لما وقعت”.

 

وذكرت الفنانة حورية فرغلي أن أكثر الفنانين اللي وقفوا جمبي في رحلة علاجي: نبيلة عبيد وسهير رمزي و صفية العمري ورانيا محمود ياسين ومحمد رمضان متابعة: “كلهم كانوا بيكملوني في الأزمة اللي تعرضت لها وقالولي إنتى شكلك حلو ومتفقديش ثقتك فى نفسك”